Exodus 7:9 - Yn Vible Casherick 1775 1819

⁹ Tra loayrys Pharaoh riu, gra Jeeagh-jee dou cowrey ass y lieh eu hene; dy jean oo eisht gra rish Aaron, Gow dty lorg, as ceau sheese eh fenish Pharaoh, as hig eh dy ve ny ard-nieu.

Exodus 7:9 ပူးပေါင်းရင်းမြစ်များ

Exodus 10:13

As ren Moses e lorg y heeyney magh harrish cheer Egypt, as hug y Chiarn lesh geay-niar er y cheer fey-ny-laa, as fud-ny-hoie shen; as tra va’n moghrey er jeet rish, hug y gheay-niar lesh ny locustyn.

Exodus 4:17

As nee uss goaill yn lorg shoh ayns dty laue, lesh nee oo mirrilyn y yannoo.

Exodus 4:2

As dooyrt y Chiarn rish, Cre shen t’ayd ayns dty laue? As dooyrt eh, Lorg.

Exodus 4:20

As ghow Moses e ven, as e vec, as hug eh ad er assylyn, as hie eh reesht gys cheer Egypt. As ghow Moses lorg Yee ayns e laue.

Exodus 4:3

As dooyrt eshyn, Ceau voïd eh er y thalloo; as cheau eh er y thalloo eh, as haink eh dy ve ny ard-nieu: as roie Moses er-chea voish.

Exodus 7:8

As loayr y Chiarn rish Moses, as rish Aaron, gra.

Exodus 9:23

As heeyn Moses magh e lorg lesh niau: as hug y Chiarn taarnagh as sniaghtey-garroo, as roie yn tendreil rish y thalloo; as gheayrt y Chiarn neose sniaghtey-garroo er cheer Egypt.

Isaiah 7:11

Shir cowrey veih yn Chiarn dty Yee; shir eh edyr ayns y diunid heese, ny ayns yn yrjid heose.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Noo Mian 12:39

Agh dreggyr eshyn, as dooyrt eh roo, Ta drogh heeloghe as neu-ghooghyssagh shirrey cowrey, agh cha bee cowrey erbee er ny chur daue, agh cowrey yn adeyr Jonas.

Noo Ean 10:38

Agh my ta mee jannoo ad, ga nagh gred shiu mish, cred-jee ny obbraghyn: dy vod shiu toiggal as credjal, dy vel yn Ayr aynym’s, as mish aynsyn.

Noo Ean 2:18

Eisht dreggyr ny Hewnyn, as dooyrt ad rish, Cre’n cowrey t’ou dy yeeaghyn dooin, fakin dy vel oo jannoo ny reddyn shoh?

Noo Ean 6:30

Dooyrt ad er-y-fa shen rish, Cre’n cowrey t’ou dy yeeaghyn eisht, dy vod mayd fakin as credjal aynyd? cre ta dty obbyr?