Exodus 7:4 - Yn Vible Casherick 1775 1819

⁴ Agh cha der Pharaoh clashtyn diu, dy voddyms my laue y lhie er Egypt, as dy voddym my heshaghtyn-caggee, as my phobble cloan Israel, y choyrt lhiam magh ass cheer Egypt, liorish briwnyssyn mooarey.

Exodus 7:4 ပူးပေါင်းရင်းမြစ်များ

Exodus 10:1

As dooyrt y Chiarn rish Moses, Immee gys Pharaoh: son ta mee er chreoghey yn cree echey, as cree e harvaantyn; dy voddin ad shoh my chowraghyn y hoilshaghey kiongoyrt rish:

Exodus 11:9

As dooyrt y Chiarn rish Moses, Cha jean Pharaoh clashtyn rhyt, dy vod ny yindyssyn aym’s v’er nyn gronnaghey ayns cheer Egypt.

Exodus 12:51

As haink eh gy-kione er yn eer laa cheddin, dy dug y Chiarn lesh cloan Israel magh ass cheer Egypt, liorish nyn sheshaghtyn-caggee.

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 18:8

As dinsh Moses da e ayr-’sy-leigh ooilley ny ren y Chiarn rish Pharaoh, as rish ny Egyptianee, er graih Israel, as ooilley’n tooilleil haink orroo er y raad, as kys va’n Chiarn er livrey ad.

Exodus 3:19

As ta mee shickyr nagh lhig ree Egypt y raad diu, agh lesh laue lajer.

Exodus 3:20

As neem’s my laue y heeyney magh, as bwoaill-ym Egypt, lesh ooilley my yindyssyn neem’s nyn mast’ oc: as ny lurg shen lhiggee eh yn raad diu.

Exodus 6:1

Eisht dooyrt y Chiarn rish Moses, Nish nee oo fakin, cre nee’m y yannoo rish Pharaoh: son lesh laue lajer lhiggee eh yn raad daue, as lesh laue niartal eh hene nee geiyrt ad magh ass e heer.

Exodus 6:26

Ad shoh yn Aaron as Moses cheddin, roo dooyrt y Chiarn, Cur-jee lhieu cloan Israel magh ass Egypt, cordail rish nyn sheshaghtyn-caggee.

Exodus 6:6

Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.

Exodus 7:13

As va cree Pharaoh er ny chreoghey, nagh dug eh clashtyn daue; myr va’n Chiarn er ghra.

Exodus 7:16

As nee oo gra rish, Ta’n Chiarn Jee ny Hebrewnee er m’y choyrt hood’s, gra, Lhig da my phobble goll, dy vod ad mish y hirveish ’syn aasagh; as cur-my-ner, cha vel oo foast er choyrt geill da.

Exodus 8:15

Agh tra honnick Pharaoh, dy row couyr, ren eh e chree y chreoghey, as cha dug eh clashtyn daue; myr va’n Chiarn er ghra.

Exodus 8:19

Eisht dooyrt ny fir-obbee rish Pharaoh, mair Yee shoh: agh va cree Pharaoh er ny chreoghey, as cha dug eh clashtyn daue myr va’n Chiarn er ghra.

Exodus 9:12

As ren y Chiarn cree Pharaoh y chreoghey, as nagh dug eh geill daue, myr va’n Chiarn er hoilshaghey da Moses.

Exodus 9:3

Cur-my-ner, ta laue’n Chiarn er dty ollagh ta ’sy vagher, er ny cabbil, er ny assylyn, er ny camelyn, er ny dew, as er ny kirree; bee murran feer dewil.

Raaghyn Creeney 19:29

Ta kerraghey kiarit son ny craidoilee, as scuitchal son dreeym ny mee-cheeayllee.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Dobberan 3:3

Dy shickyr m’oï’s t’eh er ny hyndaa, t’eh chyndaa e laue m’oï fey-ny-laa:

Ezekiel 14:21

Son shoh myr ta’n Chiarn Jee dy ghra, Cre-woad smoo, tra ver-ym my chiare briwnyssyn trome er Jerusalem, yn cliwe, as y ghortey, as ny beishtyn dewilley, as y phaitt, dy yiarey jeh dooinney as baagh?

Ezekiel 25:11

As ver-ym briwnys noi Moab, as bee fys eu dy nee mish y Chiarn.

Ezekiel 30:14

As nee’m Pathros ny hraartys, as ver-ym aile er Zoan, as nee’m briwnyssyn y chooilleeney er No.

Ezekiel 30:19

Shoh myr neem’s briwnys y chooilleeney ayns Egypt: as bee fys oc, dy nee mish y Chiarn.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 16:7

As cheayll mee fer elley gra veih’n altar, Eer myr shen, Hiarn Yee Ooilley-niartal, firrinagh as cairagh ta dty vriwnyssyn.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er-shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.

Briwnyn 2:15

Raad erbee dy jagh ad magh, va laue y Chiarn nyn ’oï son olk, myr va’n Chiarn er ghra, as myr va’n Chiarn er vreearrey daue: as v’ad dy mooar seaghnit.