Exodus 7:2 - Yn Vible Casherick 1775 1819

² Nee uss loayrt ooilley ny ta mee dy dty harey: as nee Aaron dty vraar loayrt rish Pharaoh, eh dy choyrt cloan Israel magh ass y cheer echey.

Exodus 7:2 ပူးပေါင်းရင်းမြစ်များ

1 Reeaghyn 22:14

As dooyrt Micaiah, Myr ta’n Chiarn bio, cre-erbee jir y Chiarn rhym’s, shen neem’s loayrt.

Exodus 4:15

As nee oo loayrt rishyn, as ver oo roish cre dy ghra: as beem’s marish dty veeal’s, as y beeal echeysyn, as ynsee-ym diu cre nee shiu y yannoo:

Exodus 4:16

As nee eshyn loayrt ayns dty lieh rish y pobble: as bee eh dhyt’s, eer bee eshyn dhyt’s ayns ynnyd beeal, as bee uss dasyn ayns ynnyd Yee.

Exodus 5:1

As lurg shen, hie Moses as Aaron stiagh, as dooyrt ad rish Pharaoh, Shoh myr ta’n Chiarn Jee Israel gra, Lhig y raad da my phobble, dy vod ad feailley casherick y reayll dooys ’syn aasagh.

Exodus 6:29

Dy ren y Chiarn loayrt rish Moses, gra, Mish y Chiarn: abbyr uss rish Pharaoh ree Egypt ooilley ny ta mee er choyrt royd.

Exodus 7:6

As ren Moses as Aaron myr hug y Chiarn sarey daue; eer shen myr ren ad.

Jeremiah 1:17

Jean uss er-y-fa shen dty veeghyn y chryssey seose, trog ort, as loayr roo ooilley ny ta mee coyrt ayns sarey dhyt: ny bee aggle ort roish yn eddin oc, er-aggle dy jean-ym uss y stroie kiongoyrt roo.

Jeremiah 1:7

Agh dooyrt y Chiarn rhym, Ny abbyr, Cha vel mee agh scollag: son hed oo hucsyn ooilley ver-ym oo er chaghteraght, as cre-erbee ver-yms er dty churrym, shen loayrys oo.

Ezekiel 3:10

Dooyrt eh rhym ny-sodjey, Vac y dooinney, ooilley my ghoan loayr-yms rhyt, gow stiagh ayns dty chree, as clasht rish lesh dty chleayshyn.

Ezekiel 3:17

Vac y dooinney, ta mee er dty yannoo arreyder ayns thie Israel, shen-y-fa eaisht rish goan my veeal, as cur raaue daue voym’s.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Jannoo 20:27

Son cha vel mee er haghney dy hoilshaghey diu slane coyrle Yee.

Deuteronomy 4:2

Cha jean shiu nhee erbee y choyrt huggey, ny goaill voish y goo ta mee dy harey diu, dy vod shiu freayll annaghyn y Chiarn nyn Yee, ta mish dy harey diu.