Ephesianee 6:9 - Yn Vible Casherick 1775 1819

⁹ As shiuish vainshteryn, jean-jee lheid cheddin roosyn, shaghney baggyrt: toiggal shoh, dy vel mainshter eu hene myrgeddin ayns niau, chamoo t’eh jannoo soiagh jeh persoonyn.

Yn Conaant Noa 1810

⁹ As shiuish vainshteryn, jean‐jee lheid cheddin roosyn, shaghney baggyrt: toiggal shoh, dy vel mainshter eu hene myrgeddin ayns niau, chamoo t’eh jannoo soiagh jeh persoonyn.

Ephesianee 6:9 ပူးပေါင်းရင်းမြစ်များ

Nehemiah 5:5

Ga dy vel yn eill ain myr feill nyn mraaraghyn, yn chloan ain myr y chloan ocsyn, as cur-my-ner, ta shin cur lhien ny mec as ny inneenyn ain fo bondiaght, dy ve sharvaantyn; as ta paart jeh ny inneenyn ain hannah fo bondiaght, chamoo te ayns nyn booar dy eaysley ad: son ta’n thalloo, as ny garaghyn-feeyney ain ec deiney elley.

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Psalmyn 140:12

Shickyr ta mee dy jean y Chiarn cooilleeney ’ghoaill ayns lieh’n voght: as dy gum eh seose cooish yn ymmyrchagh.

Ecclesiastes 5:8

My hee oo tranlaase jeant er y voght, as laue lajer jeant er briwnys as cairys ’sy cheer, ny gow yindys jeh’n chooish: son ta eshyn, ta erskyn y fer syrjey, cur tastey, as ta ny syrjey ayn na adsyn.

Isaiah 47:6

Va mee jymmoosagh rish my phobble; ta mee er n’yannoo my eiraght feohdoil, as er livrey ad gys dty laue: cha ren oo myghin y hoilshaghey daue; er y chenndeeaght t’ou dy feer trome er lhie yn whing.

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

Daniel 3:6

As quoi-erbee nagh jean tuittym sheese, as ooashley y choyrt, bee eh ceaut ’syn oor cheddin stiagh ayns mean coirrey aileagh-loshtee.

Leviticus 19:13

Cha jean oo molley dty naboo, ny tranlaase ’yannoo er: cha bee faill y labree ayns dty laue fud-ny-hoie, derrey’n voghrey.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 22:10

As hie ny sharvaantyn shen magh gys ny raaidyn mooarey, as ren ad whilleen as haink nyn raad y haglym cooidjagh, chammah sie as mie: as va thie ny banshey er ny lhieeney lesh goaldee.

Noo Mian 22:8

Eisht dooyrt eh rish e harvaantyn, Ta’n vannish aarloo, agh y vooinjer va cuirt cha row ad feeu.

Noo Mian 24:48

Agh my jir y drogh harvaant shen ayns e chree, Ta my Hiarn lhiggey shaghey yn cheet echey,

Noo Mian 24:51

As giaree eh eh veih-my-cheilley, as pointee eh e chronney marish ny crauee-oalsey: ayns shen vees keayney as snaggeraght feeacklyn.

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Noo Luke 6:31

As myr bailliuish deiney dy yannoo riuish, jean-jee shiuish myrgeddin roosyn.

Noo Ean 13:13

Ta shiu genmys mish nyn Mainshter, as Chiarn: as ta shiu gra dy mie; son she shen mee.

Jannoo 10:34

Eisht doshil Peddyr e veeal, as dooyrt eh, Ayns firrinys ta mee cur tastey nagh vel Jee soiaghey jeh persoonyn:

Romanee 2:11

Son cha vel Jee jannoo soiaghey jeh persoonyn.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

1 Corinthianee 7:22

Son eshyn ta er ny eam ayns y Chiarn, as eh ny harvaant, t’eh ayns seyrsnys y Chiarn: myrgeddin eshyn ta er ny eam, as eh ayns seyrsnys, t’eh sharvaant Chreest.

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.

Colossianee 3:25

Agh eshyn ta jannoo aggair, bee eh cooilleenit son yn aggair t’eh er n’yannoo: as cha vel Jee jannoo soiagh jeh persoonyn.

Colossianee 4:1

Shiuish vainshteryn, cur-jee da nyn sharvaantyn shen ny ta cairagh as cooie, toiggal dy vel eu hene myrgeddin mainshter ayns niau.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Jamys 2:8

My ta shiu cooilleeney yn leigh reeoil, cordail rish y scriptyr, Ver oo graih da dty naboo myr dhyt hene, ta shiu jannoo dy mie.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?