Ephesianee 6:4 - Yn Vible Casherick 1775 1819

⁴ As shiuish ayraghyn, ny brasnee-jee nyn gloan gys corree: agh trog-jee ad ayns ynsagh as aggle y Chiarn.

Yn Conaant Noa 1810

⁴ As shiuish ayraghyn, ny brasnee‐jee nyn gloan gys corree: agh trog jee ad ayns ynsagh as aggle y Chiarn.

Ephesianee 6:4 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

1 Recortyssyn 29:19

As giall da Solomon my vac cree ynrick, dy reayll dty annaghyn, dty recortyssyn, as dty lattyssyn, as dy yannoo ooilley ny obbraghyn shoh, as dy hroggal y chiamble shen ny chour ta mee ro-laue er chiarail.

Raaghyn Creeney 19:18

Smaghtee dty vac, choud as ta caslys dy yannoo mie jeh, agh ny cur raad da dewilys neu-chooie.

Raaghyn Creeney 22:15

Ta ommijys fraueit ayns cree paitchey: agh nee yn slatt smaghtee geiyrt magh eh.

Raaghyn Creeney 22:6

Trog dty lhiannoo ’sy raad, lhisagh eh goaill: as tra t’eh shenn cha jean eh treigeil eh.

Raaghyn Creeney 29:15

Ta’n slatt as oghsan dy choyrt creenaght: agh ta lhiannoo faagit da hene tayrn nearey er e voir.

Raaghyn Creeney 29:17

Smaghtee dty vac as bee fea ayd; bee eh eer gerjagh da dty annym.

Isaiah 38:19

Yn vio, yn dooinney bio, eshyn ver moylley dhyt, myr ta mish jiu; nee yn ayr da e chloan soilshaghey dty ynrickys.

Ephesianee 6:3

Dy vod eh ve dy mie mayrt, as dy vod oo ve beayn er y thalloo.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 6:7

As ynsee oo ad dy kiaralagh da dty chloan, as nee oo taggloo jeu, tra t’ou soie ayns dty hie, as tra t’ou shooyl er y raad, as tra t’ou goll dy lhie, as tra t’ou girree.

Colossianee 3:21

Ayraghyn, ny jean-jee nyn gloan y vrasnaghey, er-aggle dy gaill ad nyn gree.

2 Timothy 1:5

Tra ta mee tayrn gys cooinaghtyn yn credjue ynrick t’aynyd’s, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd’s myrgeddin.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Briwnyn 13:12

As dooyrt Manoah, Nish lhig da dty ghoan’s ve jeant mie: cre’n aght nee mayd yn lhiannoo y oardrail? as cre ta kiarit da dy yannoo?