Ephesianee 6:2 - Yn Vible Casherick 1775 1819

² Cur arrym da dty ayr as da dty voir, (shoh yn chied anney lesh gialdynys)

Yn Conaant Noa 1810

² Cur arrym da dty ayr as da dty voir, (shoh yn chied anney lesh gialdynys)

Ephesianee 6:2 ပူးပေါင်းရင်းမြစ်များ

Exodus 20:12

Cur arrym da dt’ayr as da dty voir: dy vod dty laghyn ve beayn er y thalloo, ta’n Chiarn dty Yee dy chur dhyt.

Raaghyn Creeney 20:20

Quoi-erbee ghwee-ys mollaght da e ayr, ny e voir: bee’n lamp echeysyn er ny vooghey ayns y dooid dy ghorraghys.

Jeremiah 35:18

As dooyrt Jeremiah rish kynney ny Rechabiteyn, Shoh myr ta Chiarn ny flaunyssee, Jee Israel, dy ghra, Son dy vel shiuish er ny ve biallagh da sarey Yonadab nyn ayr, as er vreayll ooilley e oardaghyn, as er n’yannoo cordail rish ooilley ny hug eh ayns currym diu;

Jeremiah 35:7

Chamoo nee shiu thie y hroggal, ny arroo y chuirr, ny soiaghey garey-feeyney, ny freayll veg: agh ooilley nyn laghyn nee shiu cummal ayns cabbaneyn, dy vod ny laghyn eu ve beayn ’sy cheer raad ta shiu nyn yoarreeyn.

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Malachi 1:6

Ta mac arrymagh da e ayr, as ta sharvaant ammyssagh da e vainshtyr, my she ayr mee er-y-fa shen, cre vel my arrym? as my she mainshtyr mee, cre vel my ammys? ta Chiarn Jee ny flaunyssee dy ghra riuish haggyrtyn, ta soiaghey beg jeh my ennym’s, foast ta shiu gra, Cre ayn ta shin er hoiaghey beg jeh dty ennym’s?

Romanee 13:7

Eeck-jee er-y-fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

Ephesianee 6:3

Dy vod eh ve dy mie mayrt, as dy vod oo ve beayn er y thalloo.

Deuteronomy 27:16

Cursit t’eshyn, ta soiaghey beg jeh e ayr as e voir: as jir ooilley’n pobble, Amen.

Deuteronomy 5:16

Cur arrym da dt’ayr, as da dty voir, myr ren y Chiarn dty harey; dy vod dty laghyn ve foddey beayn, as dy vod oo ve maynrey ayns y cheer ta’n Chiarn dty Yee dy chur dhyt.

1 Timothy 5:4

Agh my ta ec ben-treoghe erbee cloan ny oeghyn, lhig daue hoshiaght gynsaghey dy hoilshaghey kenjallys dooie ec y thie, as dy yannoo lhiasagh da nyn ayraghyn as moiraghyn: son ta shen mie, as soiagh er ny yannoo jeh fenish Yee.