Ephesianee 5:3 - Yn Vible Casherick 1775 1819

³ Agh maarderys, as dy chooilley neu-ghlennid, as saynt, ny lhig daue ve wheesh as enmyssit ny-vud eu, myr te cooie da nooghyn:

Yn Conaant Noa 1810

³ Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn:

Ephesianee 5:3 ပူးပေါင်းရင်းမြစ်များ

Psalmyn 10:3

Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Psalmyn 119:36

Croym my chree gys dty recortyssyn: as cha nee gys saynt.

Exodus 18:21

Myrgeddin jeeagh magh mastey ooilley’n pobble son deiney fondagh, ta goaill aggle roish Jee, deiney ynrick, dwoaiagh er saynt; nyn lheid oc shoh nee oo soiaghey harrystoo, dy ve son fir-reill er thousaneyn, as fir-reill er keeadyn, fir-reill er lieh-cheeadyn, as fir-reill er jeihghyn.

Exodus 20:17

Cha der oo saynt da thie dty naboo, cha der oo saynt da ben dty naboo, ny da e harvaant, ny da e inney-veyl, ny da e ghow, ny da e assyl, ny da nhee erbee ta lesh dty naboo.

Exodus 23:13

As cur-jee tastey mie da dy chooilley nhee ta mee er ghra riu: as ny jean-jee imraa jeh ennym jeeghyn joarree, chamoo lhig da ve er ny chlashtyn ass dty veeal.

Raaghyn Creeney 28:16

Yn prince, ta laccal tushtey, t’eh myrgeddin ny ard-hranlaasagh: agh eh ta shaghney saynt, bee e laghyn foddey-beayn.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Jeremiah 6:13

Son veih’n fer sloo eer gys y fer smoo jeu, ta dy chooilley unnane sondagh er cosney; as veih’n phadeyr eer gys y taggyrt, ta dy chooilley er dellal dy molteyragh.

Jeremiah 8:10

Shen-y-fa ver-yms ny mraane oc da feallagh elley, as ny magheryn oc da eiraghyn joarree: son ta dy chooilley unnane, veih’n er sloo gys yn er smoo, sondagh er cosney; veih’n phadeyr eer gys y taggyrt, ta dy chooilley unnane dellal dy foalsey.

Ezekiel 33:31

As t’ad cheet hood’s myr ta sleih cliaghtey cheet, as t’ad kiongoyrt rhyt myr my phobble’s, as t’ad clashtyn dty ghoan, agh cha vel ad cooilleeney ad: son lesh nyn meeal t’ad jeeaghyn lane graih, agh ta’n cree oc goll er-eiyrt nyn sayntyn.

Leviticus 15:18

Yn ven myrgeddin, nee dooinney lhie mâree, nee ad ny-neesht faarkey ad hene ayns ushtey, as ve neu-ghlen derrey’n astyr.

Micah 2:2

As t’ad coyrt saynt da magheryn, as goaill ad er niart; as da thieyn, as goaill daue hene ad: myr shen t’ad roostey dooinney as e hie, dy jarroo dooinney as e eiraght.

Earrooyn 25:1

As ren Israel campal ayns Shittim, as ren y pobble toshiaght dy yannoo maarderys rish inneenyn Voab.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Luke 12:15

As dooyrt eh roo, Gow-jee tastey, as cur-jee twoaie jeh saynt: son cha vel maynrys bea yn dooinney lhie ayns mooarane e chooid-seihlt.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Jannoo 15:20

Agh shin dy scrieu huc, ad dy reayll ad-hene veih eajeeys jallooyn, as veih maarderys, as veih [gee] reddyn toghtit, as veih fuill.

Jannoo 20:33

Cha vel mee er chur saynt da argid, ny airh, ny cooid ghooinney erbee.

Romanee 1:29

Laadit lesh dy chooilley neu-ynrickys, maarderys, olkys, saynt, goanlys; lane dy hroo, dunverys, streeu, molteyraght, drogh-yannoo; scammyltee cooyl-chlea,

Romanee 16:2

Dy gow shiu r’ee ayns y Chiarn, myr te cooie da nooghyn, as dy gooin shiu lh’ee ayns cooish erbee vees feme eck erriu: son t’ee er choyrt oltagh-bea da ymmodee, as dou hene myrgeddin.

Romanee 6:13

Chamoo livrey-jee seose nyn oltyn myr greinyn dy neu-chairys gys peccah: agh livrey-jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

1 Corinthianee 10:8

Chamoo lhig dooin cur rish maarderys, myr ren paart jeusyn, as huitt ad ayns un laa three thousaneyn as feed.

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn-quaagh, dy jinnagh fer goaill da hene ben e ayrey.

1 Corinthianee 6:13

Bee son y volg, as y bolg son bee; agh nee Jee ad ny-neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

1 Corinthianee 6:18

Chea-jee veih maarderys. Ta dy chooilley pheccah ta dooinney dy yannoo, cheu-mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

2 Corinthianee 12:21

As er-aggle tra hig-ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu-ghlennid, as y vaarderys, as y rouanys shen, t’ad er ny ve cur rish.

Ephesianee 5:12

Son te nearey wheesh as dy enmys ny reddyn shen ta jeant lioroo dy follit.

Ephesianee 5:5

Son shoh ta fys eu er, nagh vel ec maarderagh erbee, ny persoon neu-ghlen, ny ec dooinney sayntoilagh, ta coyrt ammys da jallooyn, eiraght edyr ayns reeriaght Chreest as Yee.

Philippianee 1:27

Erskyn ooilley, lhig da’n ymmyrkey-bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjagh son credjue yn tushtal;

Colossianee 3:5

Smaghtee-jee er-y-fa shen ny oltyn thallooinagh eu; maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

1 Thessalonianee 4:7

Son cha vel Jee er n’eamagh orrin gys neu-ghlennid, agh gys casherickys.

1 Timothy 2:10

Agh (shen ta cheet jesh da mraane ta goaill-rish craueeaght) lesh obbraghyn mie.

1 Timothy 3:3

Cha nee iuder-feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er-shaghryn veih’n chredjue, as er vroddey ad-hene trooid lesh mooarane torchaghyn.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee-viallagh gys ayraghyn as moiraghyn, neu-wooisal, mee-chrauee,

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Titus 1:7

Son shegin da aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

Titus 2:3

Ny shenn vraane myrgeddin, dy bee ad dy ymmyrkey-bea crauee, cha nee scammyltee, ny cur rouyr saynt da feeyn, soilshaghey sampleyr mie;

Hebrewnee 12:16

Er-aggle dy bee maarderagh erbee, ny persoon erbee mee-chrauee, myr Esau, ren son un lhongey dy vee e eiraght y chreck.

Joshua 7:21

Tra honnick mee mastey yn spooilley garmad aalin Babylonagh, as daa cheead shekel dy argid, as wedge airh jeh trimmid jeih shekelyn as da-eed, dy dug mee eisht saynt daue, as ghow mee ad; as cur-my-ner, t’ad follit ’syn ooir ayns mean my chabbane, as yn argid foue.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu-ghlennid, as soiaghey beg jeh reiltys: daaney t’ad, creoi-wannallagh, cha vel aggle orroo dy loayrt dy olk jeh ny pooaraghyn syrjey:

2 Peddyr 2:14

Lesh sooillyn soit er brishey-poosey, as nagh vod scuirr veih peccah; molley anmeenyn lhag-chredjuagh: creeaghyn t’oc, cliaghtit er obbraghyn sayntoilagh; cloan ny mollaght:

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Ashlish 2:14

Agh ta red ennagh aym dt’oï, er-yn-oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:21

As hug mee traa jee dy ghoaill arrys jeh’n vaarderys eck, as cha ren ee arrys y ghoaill.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi-erbee shynney lesh as ta jannoo breg.

Ashlish 9:21

Chamoo ghow ad arrys jeh’n dunverys oc, ny jeh’n obbeeys oc, ny jeh nyn maarderys, ny jeh nyn maarlys.

1 Samuel 8:3

As cha ren e vec shooyl ayns e raaidyn; agh v’ad shêgin er cosney, as ghow ad giootyn, as ren ad cassey briwnys.