Ephesianee 4:9 - Yn Vible Casherick 1775 1819

⁹ (Nish, dy jagh eh seose, cre te agh dy jagh eh myrgeddin sheese hoshiaght gys ayrnyn s’injilley ny hooirey?

Yn Conaant Noa 1810

⁹ (Nish, dy jagh eh seose, cre te agh dy jagh eh myrgeddin sheese hoshiaght gys ayrnyn s’injilley ny hooirey?

Ephesianee 4:9 ပူးပေါင်းရင်းမြစ်များ

Genesis 11:5

As haink y Chiarn neose dy chur-my-ner yn ard-valley, as y toor va cloan gheiney dy hroggal.

Psalmyn 139:15

Honnick dty hooillyn yn stoo aym’s, tra ve foast gyn cummey: as ayns dty lioar va ooilley my oltyn scruit;

Psalmyn 63:9

Ta m’annym lhiantyn hood’s: ta dty laue yesh er my chummal seose.

Psalmyn 8:5

Ren oo eh ny s’inshley na ny ainleyn: dy choamrey eh lesh gloyr as ooashley.

Exodus 19:20

As haink y Chiarn neose er slieau Sinai, er mullagh y clieau; as deïe’n Chiarn er Moses seose gys mullagh y chronk, as hie Moses seose.

Raaghyn Creeney 30:4

Quoi t’er n’gholl seose gys niau, ny er jeet neose? quoi t’er haglym yn gheay ayns e ghurn? quoi t’er chiangley ny ushtaghyn lesh cagliagh? quoi t’er hickyraghey ooilley ardjyn y thallooin? cre’n ennym t’er, as cre’n ennym t’er e vac, my ta fys ayd?

Isaiah 44:23

Trog-jee kiaull, O shiuish niaughyn; son she yn Chiarn t’er n’yannoo eh: yllee-jee, shiuish ayrnyn s’inshley yn thallooin: brish-jee magh ayns kiaulleeaght, shiuish sleityn, O cheyll, as dy chooilley villey t’ayn: son ta’n Chiarn er livrey Jacob, as er ghloyraghey eh-hene ayns Israel.

Ezekiel 31:14

Son raaue, nagh jean veg jeh ooilley ny biljyn, ta rish ny ushtaghyn, mooar-soiaghey jeu hene son nyn yrjid, chamoo sheeyney seose nyn mullagh mastey ny banglaneyn choo, chamoo ny biljyn oc dy hassoo seose ayns nyn yrjid, ooilley ta giu ushtey: son t’ad ooilley er nyn livrey gys baase, fo diunid y thallooin, mastey cloan gheiney, mâroosyn ta goll sheese gys yn oaie.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

Noo Ean 20:17

Dooyrt Yeesey r’ee, Ny benn rhym; son cha vel mee foast er gholl seose gys my Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Noo Ean 6:33

Son arran Yee eshyn ta cheet neose veih niau, as ta cur e vioys son y theihll.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Noo Ean 6:41

Eisht va ny Hewnyn jymmoosagh rish, er-y-fa dy dooyrt eh, Mish arran y vea haink neose veih niau.

Noo Ean 6:51

Mish yn arran bio, haink neose veih niau: my ee-ys dooinney erbee jeh’n arran shoh, bee eh bio son dy bragh: as yn arran neem’s y choyrt, she my eill eh, ver-yms son bioys y theihll.

Noo Ean 6:58

Shoh yn arran haink neose veih niau; cha nee myr ren ny ayraghyn eu manna y ee, as t’ad marroo: bee eshyn ta gee jeh’n arran shoh, bio son dy bragh.

Noo Ean 6:62

Cre my hee shiu Mac y dooinney goll seose raad v’eh roïe?

Noo Ean 8:14

Dreggyr Yeesey as dooyrt eh roo, Ga dy vel mee gymmyrkey feanish jee’m pene, foast ta’n eanish aym firrinagh: son ta fys aym cre voish haink mee, as c’raad ta mee goll; agh cha s’euish cre voish haink mee, ny c’raad ta mee goll.

Hebrewnee 2:7

Ren oo eh red beg s’inshley na ny ainleyn; t’ou er choamrey eh lesh gloyr as ooashley, as hug oo reill da harrish obbraghyn dty laueyn:

Hebrewnee 2:9

Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.