Ephesianee 4:3 - Yn Vible Casherick 1775 1819

³ Imneagh dy reayll unnaneys y Spyrryd ayns y kiangley dy hee.

Yn Conaant Noa 1810

³ Imneagh dy reayll unnaneys y Spyrryd ayns y kiangley dy hee.

Ephesianee 4:3 ပူးပေါင်းရင်းမြစ်များ

1 Reeaghyn 16:21

Eisht vrish pobble Israel veih-my-cheilley ayns daa ayrn: deiyr yn derrey lieh jeh’n pobble er Tibni mac Ginath, dy yannoo eh ny ree; lhiann yn lieh elley gys Omri.

Exodus 28:32

As bee towl ayns mean e vullagh: bee eh er ny niartaghey mygeayrt lesh obbyr feeit, myr towl habergeon, nagh bee eh raipit.

Ecclesiastes 4:12

As my ta fer goaill mainshtyraght er dooinney, nee jees cur eddin da; as cha vel coyrd three-filley dy leah er ny vrishey.

Noo Mark 3:24

As my ta reeriaght girree-magh n’oï hene, cha vod y reeriaght shen shassoo.

Noo Ean 13:34

Sarey noa ta mee dy choyrt diu, Shiu dy ve graihagh yn derrey yeh er y jeh elley; myr ta mish er ve graihagh erriuish, dy der shiuish myrgeddin graih yn derrey yeh da’n jeh elley.

1 Corinthianee 1:10

Nish ta mee guee erriu, vraaraghyn, liorish ennym nyn Jiarn Yeesey Creest, dy bee shiu ooilley er yn un ockle, as nagh bee streeuaghyn ny mast’ eu; agh dy bee shiu sniemmit cooidjagh ’syn un aigney, as ’syn un smooinaght.

2 Corinthianee 13:11

Er-jerrey, vraaraghyn, my vannaght mêriu: Bee-jee er nyn niartaghey dy cheilley, bee-jee er nyn gherjaghey, bee-jee jeh’n un aigney, jean-jee baghey ayns shee; as bee’n Jee dy ghraih as shee mêriu.

Ephesianee 4:13

Derrey hig mayd ooilley dy cheilley gys unnaneys y chredjue, as jeh tushtey dy Vac Yee, gys slane dooinney, gys towse yn aase dy laanid Chreest:

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee];

1 Thessalonianee 5:13

As dy yannoo ard-soiagh jeu ayns graih er coontey nyn obbyr: as bee-jee ec shee nyn mast’ eu hene.

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.