Ephesianee 4:2 - Yn Vible Casherick 1775 1819

² Ayns dy chooilley injillid as meenid, lesh surranse-foddey, gymmyrkey yn derrey yeh lesh y jeh elley ayns graih;

Yn Conaant Noa 1810

² Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Ephesianee 4:2 ပူးပေါင်းရင်းမြစ်များ

Psalmyn 138:6

Son ga dy vel y Chiarn ard: ny-yeih t’eh coyrt tastey da’n sleih imlee: agh er son ny mooaralee t’eh jeeaghyn orroo foddey veih.

Psalmyn 45:4

Kiangle dty chliwe gys dty lheayst, O uss smoo niartal: cordail rish dty ooashley as dty ghloyr.

Raaghyn Creeney 16:19

Ny share te, dy ve jeh spyrryd injil marish ny imlee, na dy rheynn spooilley marish ny mooaralee.

Raaghyn Creeney 3:34

Shickyr t’eh jannoo faghid er ny craidoilee: agh t’eh coyrt grayse da ny imlee.

Ecclesiastes 7:8

Ta jerrey’n chooish ny share na’n toshiaght: as ta’n cree surransagh ny share na’n chree mooaralagh.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Earrooyn 12:3

(Nish va Moses ny ghooinney feer vannee, erskyn ooilley ny deiney v’er eaghtyr y thallooin.)

Noo Mian 11:29

Gow-jee my whing erriu, as ynsee-jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mark 9:19

Dreggyr eshyn as dooyrt eh, O heeloghe vee-chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Romanee 15:1

Lhisagh shinyn eisht ta lajer, gymmyrkey lesh ny annooinidyn ocsyn ta moal-chredjuagh, as cha nee dy wooiys shin hene.

1 Corinthianee 13:7

Fuilliaghtyn dagh nhee, credjal dagh nhee, treishteil dagh nhee, surranse dy chooilley nhee,

Galatianee 6:2

Ymmyrk-jee erraghyn y cheilley, as myr shoh lhieen-jee yn leigh.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse-foddey, lesh gennallys;

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

Jamys 1:21

Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

1 Peddyr 3:15

Agh jean-jee yn Chiarn Jee y chasherickey ayns nyn greeaghyn: as bee-jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Peddyr 3:8

Er-jerrey, bee-jee ooilley jeh un aigney, chymmoil yn derrey yeh jeh’n jeh elley, cur-jee graih myr braaraghyn, bee-jee lane dy hymmey, bee-jee dooie: