Ephesianee 4:16 - Yn Vible Casherick 1775 1819

¹⁶ Veihsyn ta’n slane corp dy kiart er ny choyrt cooidjagh, as sniemmit dy cheilley liorish shen ta dagh junt dy hirveish, cordail rish yn obbragh breeoil ta cormit gys dagh olt, coyrt bishagh da’n chorp, dy niartaghey eh-hene ayns graih.

Yn Conaant Noa 1810

¹⁶ Veihsyn ta’n slane corp dy kiart er ny choyrt cooidjagh, as sniemmit dy cheilley liorish shen ta dagh junt dy hirveish, cordail rish yn obbragh breeoil ta cormit gys dagh olt, coyrt bishagh da’n chorp, dy niartaghey eh hene ayns graih.

Ephesianee 4:16 ပူးပေါင်းရင်းမြစ်များ

Colossianee 2:19

As cha nee cummal gys y chione, voish myr ta’n slane corp liorish juntyn as kianglaghyn er ny hirveish as sniemmit cooidjagh, te cheet er y hoshiaght lesh bishagh Yee.

Noo Ean 15:5

Mish y billey-feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Ephesianee 4:12

Son niartaghey ny nooghyn, son oik y chirveish, son coamrey corp Chreest;

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

Ephesianee 4:15

Agh geiyrt da’n irriney ayns graih, dy vod mayd ayns dy chooilley nhee bishaghey aynsyn, ta’n kione, dy jarroo Creest:

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er-yn-oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit as gruntit ayns graih,

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee-jee dy jeean graihagh yn derrey yeh er y jeh elley lesh cree glen:

Ephesianee 3:7

Jeh va mish jeant my hirveishagh, cordail rish gioot grayse Yee v’er ny choyrt dooys liorish obbragh breeoil e phooar.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Galatianee 5:22

Agh ta mess y Spyrryd, graih, boggey, shee, surranse-foddey, ymmyrkey meiygh, mieys, firrinys,

1 Ean 4:16

As ta shin er hoiggal as er chredjal yn ghraih t’ec Jee dooinyn. Ta Jee graih; as eshyn ta tannaghtyn ayns graih, t’eh tannaghtyn ayns Jee, as Jee aynsyn.

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er-ash ny smoo as ny smoo, as graih dagh unnane eu dy cheilley bishaghey.

1 Thessalonianee 3:12

As dy der y Chiarn erriuish gaase as bishaghey ayns graih yn derrey yeh da’n jeh elley, as da dy chooilley ghooinney, dy jarroo myr ta shin diuish:

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

Romanee 12:4

Son myr ta ain ymmodee oltyn ayns un chorp, as cha nee yn un oik t’ec dy chooilley olt:

1 Corinthianee 10:17

Son ta shinyn, ga ymmodee, un arran, as un chorp: son ta shin ooilley goaill ayrn jeh’n un arran shen.