Ephesianee 2:18 - Yn Vible Casherick 1775 1819

¹⁸ Son ny hrooidsyn ta kied ain ny-neesht dy hayrn er-gerrey gys yn Ayr liorish un Spyrryd.

Yn Conaant Noa 1810

¹⁸ Son ny hrooidsyn ta kied ain ny‐neesht dy hayrn er‐gerrey gys yn Ayr liorish un Spyrryd.

Ephesianee 2:18 ပူးပေါင်းရင်းမြစ်များ

Ephesianee 3:12

Ny hrooid ta daanys ain as kied dy hayrn er-gerrey da lesh shickyrys liorish y chredjue t’ain aynsyn.

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn-quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee];

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.

Noo Ean 10:9

Mish y dorrys: liorym’s my ta dooinney erbee goll stiagh, bee eh er ny hauail, as hed eh stiagh as magh, as yiow eh fassaghey.

Noo Ean 10:7

Eisht dooyrt Yeesey roo reesht, Dy firrinagh firrinagh ta mee gra riu, Mish dorrys ny geyrragh.

Colossianee 1:12

Coyrt booise da’n Ayr, ta er n’yannoo shin cooie dy ghoaill ayrn jeh eiraght ny nooghyn ayns soilshey:

Galatianee 4:6

As er-y-fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer-cairagh son ny mee-chairee, (dy voddagh eh shin y chur lesh gys Jee,) v’eh er ny choyrt gy-baase ayns yn eill, agh er ny vioghey liorish y Spyrryd:

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er-gerrey gys Jee.

Ephesianee 3:14

Son yn oyr shoh ta mee croymmey my ghlioonyn gys Ayr nyn Jiarn Yeesey Creest,

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau-jee earish nyn droailtys ayns shoh ayns aggle:

Noo Mian 28:19

Immee-jee er-y-fa shen, as ynsee-jee dy chooilley ashoon, as bashtee-jee ad ayns ennym yn Ayr, as y Vac, as y Spyrryd Noo:

Jamys 3:9

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee.