Ephesianee 2:12 - Yn Vible Casherick 1775 1819

¹² Dy row shiu ec y traa shen fegooish Creest, fegooish cairys gys vondeishyn lught-thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Yn Conaant Noa 1810

¹² Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 2:12 ပူးပေါင်းရင်းမြစ်များ

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

2 Recortyssyn 15:3

Nish son foddey dy hraa ta Israel er ve fegooish y Jee firrinagh, as fegooish saggyrt-ynsee, as fegooish y leigh.

Ezra 4:3

Agh dooyrt Zerubbabel as Jeshua, as y chooid elley jeh ard-ayraghyn Israel roo, Cha vel veg euish dy yannoo mârin, dy hroggal thie da’n Jee ainyn, agh nee mayd orrin hene troggal gys y Chiarn, Jee Israel, myr ta ree Cyrus, ree Phersia, er n’oardaghey dooin.

Exodus 12:45

Cha jean joarree, ny sharvaant failt gee jeh.

Isaiah 14:1

As nee yn Chiarn soilshaghey myghin er Jacob, as nee eh foast goaill Israel myr reih, as soiaghey ad ayns nyn jeer hene: as bee joarreeyn goit stiagh mâroo, as nee ad lhiantyn gys thie Yacob.

Isaiah 44:6

Myr shoh ta’n Chiarn Ree Israel, as e Haualtagh Chiarn ny flaunyssee, dy ghra, Mish yn chied er as y fer s’jerree; as er-lhimmey jeem’s cha vel Jee erbee elley.

Isaiah 45:20

Chaggle-jee shiu hene as tar-jee; tar-jee er-gerrey cooidjagh, shiuish scapailtee ny ashoonyn: t’ad gyn tushtey ta soiaghey seose fuygh nyn yalloo grainnit, as ta goaill padjer gys jee nagh vod sauail.

Isaiah 61:5

As nee joarreeyn shassoo as fassaghey ny shioltaneyn eu, as bee mec yn joarree eu son errooyn, as gareyderyn-feeyney.

Jeremiah 14:8

O hreishteil Israel, yn Saualtagh oc ayns earish seaghyn, kys t’ou myr joarree ’sy cheer, as myr troailtagh ta cheet stiagh dy ghoaill aaght oie?

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

Ezekiel 13:9

As bee my laue er ny phadeyryn ta fakin fardalys, as ta jannoo phadeyrys breagagh, cha bee ad mastey sheshaght my phobble, chamoo vees ad er nyn scrieu ayns recortyssyn thie Israel, chamoo hed ad stiagh ayns thalloo Israel, as bee fys eu dy nee mish y Chiarn Jee.

Ezekiel 37:26

Marish shoh, nee’m roosyn conaant dy hee; bee eh conaant dy bragh farraghtyn roosyn: as ver-yms cummal shickyr daue, as ad y vishaghey, as soie-yms seose my ynnyd casherick ny mast’ oc er son dy bragh.

Ezekiel 47:22

As hig eh gy-kione, dy jean shiu y rheynn eh lesh lottyn son eiraght diuish, as da ny joarreeyn ta baghey ny mast’ eu, as cloan oc nyn mastey: as bee adsyn diuish myr ruggit ayns y cheer, mastey cloan Israel, bee eiraght oc mêriu fud kynneeyn Israel.

Hosea 3:4

Son bee cloan Israel ry-foddey gyn ree, as gyn reejerey, as gyn oural, as gyn jalloo, as gyn ephod, as gyn teraphim.

Earrooyn 18:19

Ooilley ny chebballyn casherick troggit seose, ta cloan Israel chebbal da’n Chiarn, ta mee er choyrt dhyt’s as da dty vec, as da dty inneenyn mayrt, liorish slattys kinjagh: te conaant dy hollan dy kinjagh, fenish y Chiarn, rhyt’s as rish dty luight.

Noo Luke 1:72

Dy chooilleeney yn vyghin va giallit da ny ayraghyn ain, as dy chooinaghtyn er e chonaant casherick:

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Noo Ean 15:5

Mish y billey-feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Noo Ean 4:22

Ta shiuish cur ooashley da, cha s’eu cre: ta fys ainyn cre ta shin cur ooashley da; son ta saualtys jeh ny Hewnyn.

Jannoo 2:39

Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

Jannoo 28:20

Er-yn-oyr shoh eisht ta mee er chur fys erriuish, dy akin shiu, as dy loayrt riu: er-y-fa son treishteil Israel dy vel mee kianlt lesh y gheuley shoh.

Jannoo 3:25

Shiuish cloan ny phadeyryn as y chonaant, ren Jee rish nyn ayraghyn, gra rish Abraham, As ayns dty luight’s vees ooilley kynneeyn y theihll er nyn mannaghey.

Romanee 9:8

Ta shen, Adsyn ta nyn gloan jeh’n eill, cha vel ad shoh nyn gloan dy Yee, agh ta cloan yn ghialdynys goit son y sluight.

Galatianee 4:8

Agh ny-yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Ephesianee 2:19

Cha vel shin nish er-y-fa shen ny sodjey nyn yoarreeyn as jeh cheer whuaagh, agh sheshey-cummaltee marish ny nooghyn, as jeh lught-thie Yee;

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee-hushtey t’ayndoo, trooid creoghys nyn greeaghyn:

Colossianee 1:21

As shiuish va roish nish nyn yoarreeyn, as noidyn ayns nyn aigney liorish obbraghyn mee-chrauee, agh t’eh nish er choardail [rish Jee].

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Thessalonianee 4:13

Agh cha baillym shiu ve mee-hushtagh, vraaraghyn, mychione ocsyn ta nyn gadley, nagh bee shiu trimshagh, dy jarroo myr feallagh elley ta fegooish treishteil.

1 Thessalonianee 4:5

Cha nee ayns mian saynt ny foalley, goll-rish eer ny Ashoonyn-quaagh nagh vel tushtey oc dy Yee;

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse.

1 Timothy 1:1

Paul ostyl Yeesey Creest liorish oardagh Yee nyn saualtagh, as y Chiarn Yeesey Creest, eh ta nyn dreishteil;

Hebrewnee 11:34

Ren niart yn aile y vooghey, scape ad foyr y chliwe, ayns annooinid v’ad er nyn niartaghey, daase ad dunnal ayns caggey, hug er sheshaghtyn-caggee ny joarreeyn dy roie er-chea.

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Hebrewnee 8:6

Agh nish t’eh er gheddyn shirveish foddey s’ooasle, ayns wheesh as dy vel eh myrgeddin eddyr Jee as shinyn son conaant share, va gruntit er gialdynyn syrjey.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Peddyr 1:3

Bannit dy row Jee as Ayr nyn Jiarn Yeesey Creest, ta cordail rish e vyghin vooar er n’gheddyn shin reesht gys treishteil bioal, liorish irree-seose-reesht Yeesey Creest veih ny merriu.

1 Peddyr 3:15

Agh jean-jee yn Chiarn Jee y chasherickey ayns nyn greeaghyn: as bee-jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Ean 3:3

As ta dy chooilley ghooinney ta’n treishteil shoh echey ayn hene, glenney eh-hene, dy jarroo myr t’eshyn glen.