Ephesianee 2:1 - Yn Vible Casherick 1775 1819

¹ As shiuish t’eh er vioghey, va marroo ayns loghtyn as peccah.

Yn Conaant Noa 1810

¹ As shiuish t’eh er vioghey va marroo ayns loghtyn as peccah.

Ephesianee 2:1 ပူးပေါင်းရင်းမြစ်များ

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Noo Mian 8:22

Agh dooyrt Yeesey rish, Eiyr orrym’s, as lhig da ny merriu nyn merriu y oanluckey.

Noo Luke 15:24

Son v’eh shoh my vac marroo, as t’eh bio reesht; v’eh caillit, as t’eh er ny gheddyn reesht. As ren ad toshiaght dy yannoo gien mie.

Noo Luke 15:32

Ve cooie dooin ve gennal, as boggey y ghoaill: son v’eh shoh dty vraar marroo, as t’eh bio reesht: v’eh caillit, as t’eh er ny gheddyn.

Noo Ean 10:10

Cha vel y maarliagh cheet agh dy gheid, as dy varroo as dy stroie: haink mish dy voddagh bea y ve oc, as dy voddagh eh y ve oc ayns mooarane palchey.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.

Noo Ean 5:21

Son myr ta’n Ayr troggal seose, as cur bioys da ny merriu: eer myr shen ta’n Mac bioghey yn vooinjer saillish.

Noo Ean 5:25

Dy firrinagh firrinagh ta mee gra riu, Ta’n oor cheet, as nish ayn, tra nee ny merriu clashtyn coraa Mac Yee: as bee adsyn chlinnys er nyn mioghey.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:45

As myr shen te scruit, Va’n chied dooinney Adam jeant ny annym bio, va’n Adam s’jerree jeant ny Spyrryd ta coyrt bioys.

2 Corinthianee 5:14

Son ta graih Chreest dy êginaghey shin, er-y-fa dy nee myr shoh ta shin briwnys, my hooar un er baase son ooilley, eisht dy row ooilley marroo [ayns peccah:]

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee-hushtey t’ayndoo, trooid creoghys nyn greeaghyn:

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Colossianee 2:13

As shiuish va marroo ayns nyn beccaghyn, as ayns yn an-ghiarey-chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn,

1 Timothy 5:6

Agh ish ta baghey ayns reamys neu-lowal, t’ee marroo ga dy vel ee bio.

1 Ean 3:14

Ta fys ain dy vel shin caghlaït veih baase gys bea, er-yn-oyr dy nhynney lhien ny braaraghyn: eshyn nagh nhynney lesh e vraar, t’eh tannaghtyn ayns baase.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.