Ephesianee 1:8 - Yn Vible Casherick 1775 1819

⁸ T’eh er lhieeney orrin dy palchey ayns dy chooilley chreenaght as tushtey,

Yn Conaant Noa 1810

⁸ T’eh er lhieeney orrin dy palchey ayns dy chooilley chreenaght as tushtey.

Ephesianee 1:8 ပူးပေါင်းရင်းမြစ်များ

Psalmyn 104:24

O Hiarn, cre cha ymmodee ta dt’obbraghyn: ayns creenaght t’ou er n’yannoo ad ooilley, ta’n seihll lane jeh dty verchys!

Raaghyn Creeney 8:12

Ta mish creenaght cummal marish keeayl; as toiggal bun raaghyn creeney.

Isaiah 52:13

Cur-my-ner, nee my harvaant eh-hene y ymmyrkey dy creeney, bee eh er ny ghloyraghey as er ny voylley, as feer ard ayns ooashley.

Noo Mian 11:19

Haink Mac yn dooinney gee as giu, as t’ad gra, Cur-my-ner dooinney jollyssagh, as iuder-feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Romanee 11:33

O diunid y verchys chammah jeh creenaght as tushtey Yee! cre cha follit ta ny briwnyssyn echey, as e raaidyn erskyn nyn roshtyn!

Romanee 5:15

Agh cha nee myr ta’n loght, myr shen neesht ta’n gioot arryltagh. Son my she shen kyndagh rish peccah un er, dy daink baase er ymmodee; foddey smoo ta grayse Yee, as y gioot trooid grayse, ta liorish un dooinney Yeesey Creest, er roshtyn er ymmodee.

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

Ephesianee 1:11

Ayn myrgeddin ta shin er gheddyn eiraght, myr va shin pointit ro-laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Ephesianee 3:10

Dy voddagh nish v’er ny hoilshaghey da ny ard-reillyn as pooaraghyn ayns ynnydyn flaunyssagh liorish yn agglish ymmodee-filley creenaght Yee,

Colossianee 2:3

Ayn ta follit dy chooilley verchys dy chreenaght as tushtey.

Jude 1:25

Gys yn ynrycan Jee creeney nyn Saualtagh, dy row gloyr as ard-ooashley, reill as pooar, nish as dy bragh. Amen.

Ashlish 5:12

Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.