Ephesianee 1:6 - Yn Vible Casherick 1775 1819

⁶ Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

Yn Conaant Noa 1810

⁶ Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Ephesianee 1:6 ပူးပေါင်းရင်းမြစ်များ

Psalmyn 22:20

Livrey m’annym veih’n chliwe: as my vioys deyr veih pooar y voddey.

Psalmyn 60:5

Shen-y-fa va’n vooinjer bynney lhiat er nyn livrey: cooin lhiam lesh dty laue yesh, as clasht rhym.

Raaghyn Creeney 16:4

Ta’n Chiarn er n’yannoo dy chooilley nhee er e hon hene: eer ny drogh-yantee cour laa yn cherraghey.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 61:11

Son myr ta’n thalloo coyrt magh blaa, as myr ta ny rassyn ta cuirrit ’sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Jeremiah 33:9

As bee eh dooys ennym dy voggey, moylley as ooashley mastey ooilley ashoonyn y thallooin, nee clashtyn jeh ooilley my vieys ta mish dy yannoo daue: as gowee ad aggle, as bee ad er-creau, son ooilley ny bannaghtyn, as ooilley yn vaynrys, ta mee dy chosney daue.

Leviticus 15:15

As nee’n saggyrt chebbal ad, yn derrey yeh son oural-peccah, ad y jeh elley son oural-losht; as nee’n saggyrt jannoo lhiasaghey er e hon, fenish y Chiarn, son e roie-folley.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur-my-ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht-jee rishyn.

Noo Mian 20:9

As tra haink feallagh yn un oor jeig, hooar ad dagh dooinney jeu ping y pheesh.

Noo Mian 3:17

As cur-my-ner, coraa veih niau, gra, Shoh my vac ennoil, jeh ta mee dy mooar soiaghey.

Noo Luke 2:14

Gloyr dy row gys Jee ayns yn yrjid, as er y thalloo shee, aigney-mie gys deiney.

Noo Ean 10:17

Shen-y-fa ta my Ayr graihagh orrym’s, er-yn-oyr dy vel mee scarrey rish my vioys, dy voddym y ghoaill reesht eh.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Romanee 8:1

Cha vel er-y-fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

2 Corinthianee 4:15

Son ta dy chooilley nhee er y ghraih euish, dy voddagh yn ghrayse feoilt, trooid toyrt-booise ymmodee, bishaghey gys gloyr Yee.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.

Ephesianee 1:14

Ta eearlys yn eiraght ain, derrey va price yn chionniaght eeckit, gys moylley e ghloyr.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 2:7

Ayns ny earishyn ta ry-heet dy voddagh eh soilshaghey berchys erskyn-towse e ghrayse, ayns e chenjallys dooinyn, trooid Creest Yeesey.

Philippianee 1:11

Lhieent lesh ny messyn dy chairys, ta liorish Yeesey Creest, gys gloyr as moylley Yee.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Philippianee 4:19

Agh nee my Yee ooilley nyn veme y yannoo magh, cordail rish e verchys ayns gloyr, liorish Creest Yeesey.

Colossianee 1:13

Ta er livrey shin veih pooar y dorraghys, as er hoiaghey shin ayns reeriaght e Vac graihagh hene:

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh as dy bragh. Amen.