Ecclesiastes 7:4 - Yn Vible Casherick 1775 1819

⁴ Ta cree yn dooinney creeney ayns thie ny trimshee: agh ta cree yn ommydan ayns thie yn rouanys.

Ecclesiastes 7:4 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Reeaghyn 20:16

As hie ad magh er y vun-laa: agh va Ben-hadad giu eh-hene er-meshtey ayns ny cabbaneyn reeoil, eh-hene as ny reeaghyn, yn daa ree jeig as feed, ny fir-choonee echey.

Ecclesiastes 2:1

Dooyrt mee ayns my chree, Tar nish, nee’m oo y phrowal lesh gien mie, shen-y-fa jean mooar jeed hene: as cur-my-ner, ta shoh myrgeddin fardail.

Ecclesiastes 7:3

Ta trimshey ny share na garaghtee: son liorish trimshey yn eddin, ta’n cree er ny lhiasaghey.

Ecclesiastes 7:5

Te ny share dy chlashtyn oghsan dooinney creeney, na son dooinney dy chlashtyn arrane brynneragh ny mee-hushtee.

Isaiah 21:4

Ren my chree pandoogh, hug aggle atchim aynym: t’eh er hyndaa yn oie dy yennallys aym gys oie agglagh dou.

Jeremiah 51:39

Ayns chiass nyn rouanys aarlee-yms gien elley daue, as nee’m ad er-meshtey dy yannoo ching jeu, as dy hilgey ad ayns cadley trome kinjagh, nagh bee ad dy bragh er nyn ghoostey, ta’n Chiarn dy ghra.

Jeremiah 51:57

As nee’m ny princeyn eck er-meshtey, ny deiney creeney, ny captanyn, ny fir-reill, as ny treanee caggee: as hig cadley trome orroo, as gyn doostey, ta’n Ree dy ghra, ta e ennym Yn Chiarn ny flaunyssee.

Daniel 5:30

’Syn oie cheddin va Belshazzar ree ny Caldeanee er ny varroo.

Hosea 7:5

Ayns laa yn ree ain, ta ny princeyn er n’yannoo ching jeh lesh nyn moteilyn feeyney, t’eh er heeyney magh e laue marish ny craidoilee.

Nahum 1:10

Son choud as t’ad cast fud-y-cheilley myr ny drineyn, as nyn geeayl voue, myr deiney meshtal, bee ad stroit myr stubble slane creen

1 Samuel 25:36

As haink Abigail gys Nabal: as cur-my-ner, dreill eh gien ayns e hie myr gien reeoil; as va cree Nabal gennal, son v’eh feer veshtal: shen-y-fa cha dinsh ee veg da, ny sloo ny ny smoo, derrey’n voghrey.

1 Samuel 30:16

As tra v’eh er chur lesh eh sheese, cur-my-ner v’ad skeaylt ooilley fud y vagheragh, gee, as giu, as daunsin, son boggey jeh’n spooilley mooar v’ad er n’ghoaill ass cheer ny Philistinee, as cheer Yudah.