3 Ta trimshey ny share na garaghtee: son liorish trimshey yn eddin, ta’n cree er ny lhiasaghey.
Roish my row mee seaghnit, hie mee er-shaghryn: agh nish ta mee er vreayll dty ghoo.
S’mie te er my hon dy row mee ayns seaghyn: dy voddym gynsaghey dty lattyssyn.
Dooyrt mee jeh garaghtee, Te ass e cheeayl: as jeh reaïd, Cre’n foays t’ayn?
Ta cree yn dooinney creeney ayns thie ny trimshee: agh ta cree yn ommydan ayns thie yn rouanys.
As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v’eh er loayrt rhym, va mee er my niartaghey, as dooyrt mee, Lhig da my hiarn loayrt; son t’ou er my niartaghey.
Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.
Smerg diuish ta lane: son bee shiu accryssagh. Smerg diuish ta garaghtee nish: son nee shiu dobberan as keayney.
Son ta’n seaghyn eddrym ain, nagh vel agh son shallid, gobbraghey nyn gour towse erskyn-earroo foddey smoo as dy bragh farraghtyn dy ghloyr;