Ecclesiastes 7:2 - Yn Vible Casherick 1775 1819

² Te ny share dy gholl gys thie ny trimshee, na gys thie ny cuirraghyn; son shen jerrey dy chooilley ghooinney, as gowee yn vio shoh gys e chree.

Ecclesiastes 7:2 ပူးပေါင်းရင်းမြစ်များ

Psalmyn 90:12

Ynsee dooin myr shen dy earroo nyn laghyn: dy vod ny creeaghyn ainyn ve soit er creenaght.

Ecclesiastes 2:14

Ta sooillyn y dooinney creeney ayns e chione, agh ta’n ommydan gimmeeaght ayns dorraghys: as ghow mee hene tastey myrgeddin, dy vel y jerrey cheddin taghyrt daue ooilley.

Ecclesiastes 2:16

Son cha bee cooinaghtyn er y dooinney creeney ny smoo na er yn ommydan son dy bragh: fakin dy bee shen, ny ta nish, er ny yarrood ayns ny laghyn ta ry-heet: as kys ta’n dooinney creeney geddyn baase? eer myr yn ommydan.

Ecclesiastes 3:19

Son shen ny ta taghyrt da cloan gheiney, ta taghyrt da’n maase, dy jarroo ta’n un red taghyrt daue: myr ta’n derrey yeh geddyn baase, myr shen ta’n jeh elley geddyn baase: dy jarroo t’ad ooilley tayrn yn ennal cheddin, myr shen nagh vel veg yn ooashley ec y dooinney erskyn y baagh: son ta dy chooilley nhee fardail.

Ecclesiastes 3:20

T’ad ooilley goll yn un raad, t’ad ooilley veih’n joan, as gys joan t’ad ooilley reesht chyndaa.

Ecclesiastes 6:6

Eer abbyr, dy beagh e vea daa housane bleïn, foast cha vel eh er ghoaill gerjagh e chooid-seihlt: nagh vel ooilley goll gys yn un voayl?

Ecclesiastes 9:2

Ta dy chooilley nhee cheet co-laik er ooilley: ta’n un red taghyrt er yn ynrick, as er y neu-ynrick; er mie as sie; er y ghlen, as y neu-ghlen; ersyn ta ouralley, as ersyn nagh vel ouralley: myr ta’n dooinney mie, myr shen ta’n drogh-yantagh; as eshyn ta loo, myr eshyn ta ayns ammys e loo.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Ecclesiastes 9:5

Son ta fys ec ny bioee dy vow ad baase; agh cha vel fys ec y varroo er nhee erbee, chamoo ta leagh sodjey oc, son ta’n imraa oc jarroodit.

Isaiah 47:7

As t’ou er ghra, Bee’m my ard-lady son dy bragh: as cha ren oo ny reddyn shoh y ghoaill gys dty chree, chamoo ren oo smooinaghtyn cre’n jerrey harragh er.

Jeremiah 16:8

Chamoo hed oo stiagh gys thie ny cuirraghyn, dy hoie mâroo dy ee as dy iu.

Haggai 1:5

Nish er-y-fa shen, shoh ta Chiarn ny flaunyssee dy ghra, Smooinee-jee er nyn raaidyn.

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Earrooyn 23:10

Quoi oddys coontey joan Yacob, as earroo yn chiarroo ayrn jeh Israel? Lhig dooys baase y dooinney cairagh y gheddyn, as lhig da jerrey my vea ve casley rish yn jerrey echeysyn.

Noo Mian 5:4

Bannit t’adsyn ta dobberan: son bee ad er nyn gherjaghey.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!

Deuteronomy 32:46

As dooyrt eh roo, Soie-jee nyn greeaghyn er ooilley ny goan shoh, ta mee coyrt reue er y laa shoh; ver shiu currym er nyn gloan dy choyrt tastey daue, as dy chooilleeney ooilley goan y leigh shoh.

Philippianee 3:19

Ta’n jerrey oc toyrt-mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys: