Ecclesiastes 11:5 - Yn Vible Casherick 1775 1819

⁵ Myr nagh vel toiggal ayd jeh raad ny geayee, ny kys ta ny craueyn er ny chiaddey ayns breïn y ven chorrey: eer myr shen cha vel toiggal ayd jeh obbraghyn Yee, cre’n aght t’eh jannoo dy chooilley nhee jeu shoh.

Ecclesiastes 11:5 ပူးပေါင်းရင်းမြစ်များ

Noo Ean 3:8

Ta’n gheay sheidey raad saillee, as t’ou clashtyn y sheean eck, agh cha s’ayd cre voish t’ee cheet, ny cre’n raad t’ee goll: myr shen ta dy chooilley unnane t’er ny ruggey jeh’n Spyrryd.

Psalmyn 92:5

O Hiarn, cre cha gloyroil as ta dt’obbraghyn: ta dty smooinaghtyn feer dowin!

Ecclesiastes 8:17

Eisht hug mee my-ner ooilley obbyr Yee, nagh vod dooinney geddyn magh yn obbyr ta jeant fo’n ghrian: son ga dy jean dooinney tooilleil dy hirrey magh eh, foast cha jean eh shen y gheddyn; dy jarroo, ny-sodjey, ga dy vel dooinney creeney smooinaghtyn dy hoiggal shoh, foast cha jig eh lesh dy gheddyn magh eh.

Romanee 11:33

O diunid y verchys chammah jeh creenaght as tushtey Yee! cre cha follit ta ny briwnyssyn echey, as e raaidyn erskyn nyn roshtyn!

Isaiah 40:28

Nagh vel fys ayd hene, nagh vel oo er chlashtyn, nagh vel yn Jee dy bragh, beayn, yn Chiarn, Fer-croo king y theihll, gannooinaghey, ny gaase skee? cha vod roshtyn ve jeant er y tushtey echey.

Psalmyn 104:24

O Hiarn, cre cha ymmodee ta dt’obbraghyn: ayns creenaght t’ou er n’yannoo ad ooilley, ta’n seihll lane jeh dty verchys!

Ecclesiastes 7:24

Shen ny ta foddey jeh, as erskyn-towse dowin, quoi oddys y gheddyn magh?

Psalmyn 40:5

Bannit ta’n dooinney ta er hoiaghey e hreishteil ayns y Chiarn: as nagh vel er hyndaa gys y vooinjer voyrnagh, as gys nyn lheid as ta goll mygeayrt lesh breagyn.

Lioar Yob 38:4

C’raad v’ou tra ren mee undinyn y thallooin y hoiaghey? soilshee eh, my ta tushtey aynyd.

Lioar Yob 37:23

Son yn Ooilley-niartal t’eh erskyn nyn roshtyn: t’eh erskyn ooilley ayns pooar, as ayns briwnys, as ayns cairys erskyn towse: cha jean eh seaghney [gyn oyr].

Lioar Yob 5:9

Ta jannoo reddyn mooarey, as erskyn nyn dushtey; reddyn yindyssagh erskyn earroo:

Ecclesiastes 1:6

Ta’n gheay goll lesh y jiass, as chyndaa mygeayrt gys y twoaie, t’ee kinjagh cassey mygeayrt, as chyndaa reesht rere e combaaseyn.

Ecclesiastes 1:13

As ren mee my chree y haaghey dy vriaght, as dy ronsaghey magh liorish creenaght dy chooilley nhee t’er ny yannoo fo niau: yn deinys trome shoh ta Jee er choyrt er cloan gheiney dy gholl ny hrooid.

Ecclesiastes 3:10

Ta mee er vakin y tooilleil ta Jee er choyrt er cloan gheiney, dy gholl ny hrooid.

Ecclesiastes 3:11

T’eh er n’yannoo dy chooilley nhee aalin ayns e imbagh hene: t’eh myrgeddin er choyrt daue cree tastagh ’sy theihll, ga nagh vod dooinney erbee roshtyn gys slane toiggal ny obbraghyn ta Jee dy yannoo veih’n toshiaght gys y jerrey.

Ecclesiastes 11:4

Eshyn ver geill da’n gheay, cha jean eh cuirr: as eshyn ta goaill baght jeh ny bodjallyn cha jean eh buinn.