Ecclesiastes 10:5 - Yn Vible Casherick 1775 1819

⁵ Ta lieh-chiartys ayn ta mee er vakin fo’n ghrian, as shen by-chyndagh rish foill yn ard-reiltagh hene.

Ecclesiastes 10:5 ပူးပေါင်းရင်းမြစ်များ

Ecclesiastes 5:13

Ta olk vooar ta mee er vakin fo’n ghrian, eer berchys freilt gys yn assee ocsyn by-lhieu ad.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Ecclesiastes 6:1

Ta olk ayn ta mee er vakin fo’n ghrian, as cadjin mastey deiney.

Ecclesiastes 4:7

Eisht hyndaa mee, as honnick mee fardail fo’n ghrian.

Ecclesiastes 4:1

Myr shen hyndaa mee, as smooinee mee er ooilley’n tranlaase t’er ny yannoo fo’n ghrian: as cur-my-ner ny jeïr ocsyn va tranlaasit, as cha row oc fendeilagh; as er cheu ny tranlaasee oc va pooar, agh ocsyn cha row fendeilagh.

Ecclesiastes 3:16

As ny-sodjey na shoh, honnick mee fo’n ghrian ynnyd y vriwnys, dy row mee-chairys ayns shen, as ayns ynnyd yn ynrickys, dy row aggair ayns shen.

Raaghyn Creeney 28:12

Tra ta deiney ynrick ayns pooar, te ard-vaynrys: agh tra ta ny mee-chrauee troggal, ta dooinney mie goll dy lhiattee.

Ecclesiastes 10:4

My ta jymmoose yn reiltagh girree seose dt’oï, ny treig dty oik; son ta ammys jannoo lhiasaghey son foiljyn mooarey.

Ecclesiastes 10:6

Ta ommijys soit ayns oikyn ooasle, as deiney seyrey currit sheese dy injil.

Raaghyn Creeney 19:10

Cha vel pooar cooie son ommydan: foddey sloo son sharvaant dy reill harrish princeyn.