Ecclesiastes 1:3 - Yn Vible Casherick 1775 1819

³ Cre’n vondeish t’ec dooinney jeh ooilley’n deinys t’eh dy ghoaill fo’n ghrian?

Ecclesiastes 1:3 ပူးပေါင်းရင်းမြစ်များ

Ecclesiastes 2:11

Eisht yeeagh mee er ooilley ny obbraghyn, va my laueyn er n’yannoo, as er dy chooilley nhee, va mee er ghoaill orrym dy chooilleeney: as cur-my-ner, va ooilley fardail as seaghney cree, as nagh vel shickyrys ayns nhee erbee fo’n ghrian.

Ecclesiastes 2:18

Dy jarroo, cha row boggey erbee aym jeh ooilley my ghoccar, va mee er ghoaill fo’n ghrian: er-yn-oyr dy nhegin dou faagail eh da’n dooinney hig my lurg.

Ecclesiastes 2:19

As quoi ec ta fys nee dooinney creeney, ny ommydan vees eh? ny-yeih bee eh ny vainshtyr harrish ooilley my chooid-seihlt, ta mee dy deinagh er chosney, as ayn ta mee er hoilshaghey my chreenaght fo’n ghrian. Ta shoh myrgeddin fardail.

Ecclesiastes 2:22

Son cre ta ec dooinney jeh ooilley e laboraght, as jeh’n boirey cree, ayn t’eh er hooilleil fo’n ghrian?

Ecclesiastes 3:9

Cre’n vondeish eisht ta echeysyn ta gobbraghey, ayns ooilley’n deinys t’eh dy ghoaill er hene?

Ecclesiastes 4:3

Dy jarroo ny share na ad ny-neesht, t’eshyn nagh vel foast er ve, nagh vel er vakin yn drogh obbyr t’er ny yannoo fo’n ghrian.

Ecclesiastes 4:7

Eisht hyndaa mee, as honnick mee fardail fo’n ghrian.

Ecclesiastes 5:16

As ta shoh myrgeddin olk trome, er dy chooilley aght myr haink eh, shen myr hed eh: as cre’n vondeish t’echeysyn t’er laboraght son y gheay?

Ecclesiastes 5:18

Cur-my-ner, shen ny ta mee er vakin: te mie as feudagh son peccagh dy ee as dy iu, as dy ghoaill soylley jeh foays ooilley e laboraght, t’eh dy ghoaill fo’n ghrian, ooilley laghyn e vea: son shoh’n cronney ta Jee fordrail da.

Ecclesiastes 6:12

Son quoi ec ta fys, cre ta mie da dooinney ’sy vea shoh, ooilley laghyn e vea varvaanagh, t’eh dy cheau myr scadoo? son quoi oddys ginsh da dooinney, cre vees ny lurg fo’n ghrian!

Ecclesiastes 7:11

Ta creenaght cha mie as eiraght; as liorish ta vondeish ocsyn ta fakin y ghrian.

Ecclesiastes 9:13

Yn chreenaght shoh myrgeddin ta mee er vakin fo’n ghrian, as s’mooar ren mee coontey jeh.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Ecclesiastes 9:6

Myrgeddin nyn ghraih, nyn myskid, as nyn droo, ta nish er herraghtyn; chamoo ta nhee erbee sodjey oc dy yannoo ayns cooish erbee fo’n ghrian.

Isaiah 55:2

Cre’n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym’s, as ee-jee shen ny ta mie, as lhig da’n annym eu goaill soylley ayns riurid.

Habakkuk 2:13

Cur-my-ner, nagh vel eh veih Chiarn ny flaunyssee, dy vel y sleih laboragh ayns yn eer aile, as dy vel y pobble deinagh son eer fardalys?

Habakkuk 2:18

Cre’n foays t’ayns y jalloo grainnit, dy vel yn obbree er ghrainney eh; yn jalloo roit, as y fer-ynsee dy vreagyn, dy vel yn obbree treishteil ayns ny jallooyn balloo, obbyr e laueyn hene?

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

1 Corinthianee 16:16

Dy der shiu arrym da nyn lheid, as da dagh unnane ta cooney lhieu, as gobbraghey [ayns y sushtal.]