Dobberan 5:7 - Yn Vible Casherick 1775 1819

⁷ Ta nyn ayraghyn er n’yannoo peccah, as t’ad er n’immeeaght, agh ta shinyn er n’ymmyrkey yn vee-chairys oc.

Dobberan 5:7 ပူးပေါင်းရင်းမြစ်များ

Genesis 42:13

As dooyrt adsyn, Ta dty harvaantyn daa vraar jeig, mec un dooinney ayns cheer Chanaan: as cur-my-ner, ta’n er saa, ’sy tra t’ayn, marish nyn ayr, as ta fer nagh vel er-mayrn.

Genesis 42:36

As dooyrt Jacob nyn ayr roo, Mish ta shiu er roostey jeh my chloan: cha vel Joseph er-mayrn, as cha vel Simeon aym: as nee shiu Benjamin y ghoaill voym: ta ooilley ny reddyn shoh m’oï.

Lioar Yob 7:21

As cre’n-fa nagh vel oo pardooney my pheccah, as goaill ersooyl my vee-chairys? son nish nee’m cadley ’sy joan; as nee oo shirrey my lurg ’sy voghrey, agh cha bee’m er-mayrn.

Lioar Yob 7:8

Yn sooill t’er my akin cha vaik eh mee arragh: ta dty hooillyn orrym, as cha bee’m ny sodjey bio.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 16:12

As ta shiuish er n’yannoo ny smessey na nyn ayraghyn; son cur-my-ner, ta shiu gimmeeaght dy chooilley ghooinney lurg roonid e chree mee-chrauee hene, nagh n’eaisht ad rhym’s;

Jeremiah 31:15

Myr shoh ta’n Chiarn dy ghra, Va coraa er ny chlashtyn ayns Ramah, dobberan, as keayney sharroo; Rachel keayney son e cloan, er-yn-oyr nagh row veg jeu faagit.

Jeremiah 31:29

Ayns ny laghyn shen cha jir ad ny smoo, Ta ny ayraghyn er n’ee berrishyn-feeyney soor, as ta feeacklyn y chloan er-jeid.

Ezekiel 16:58

T’ou er n’ymmyrkey dty rouanys, as dty aghtyn eajee ta’n Chiarn dy ghra.

Ezekiel 18:2

Cre ta shiu dy hoiggal dy vel eu yn chenn raa-cadjin shoh mychione cheer Israel, gra, Ta ny ayraghyn er n’ee berrishyn-feeyney soor, as ta feeacklyn y chloan er n’gholl jeaid?

Zechariah 1:5

Ny ayraghyn euish, cre’n erree t’orroo? as ny phadeyryn, vel ad bio son dy bragh?

Earrooyn 14:18

Ta’n Chiarn foddey-surransagh, as jeh myghin vooar, leih mee-chairys as peccah; as gyn er aght erbee seyrey yn drogh-yantagh, kerraghey mee-chairys ny ayraghyn er y chloan, gys y trass as y chiarroo heeloghe.