Dobberan 5:21 - Yn Vible Casherick 1775 1819

²¹ Chyndaa uss shin hood, O Hiarn, as bee mayd er nyn jyndaa: jean ass-y-noa nyn laghyn, myr jeh’n chenn earish.

Dobberan 5:21 ပူးပေါင်းရင်းမြစ်များ

1 Reeaghyn 18:37

Clasht rhym, O Hiarn, as cur dou clashtyn, dy vod fys ’ve ec y pobble shoh dy nee uss yn Chiarn Jee, as dy vel uss er hyndaa nyn greeaghyn mygeayrt reesht.

Psalmyn 80:19

Chyndaa shin reesht, O Hiarn Yee jeh’n cheshaght-chaggee flaunyssagh: jeeagh soilshey dt’eddin, as bee mayd er nyn sauail.

Psalmyn 80:3

Chyndaa shinyn reesht, O Yee: jeeagh soilshey dt’eddin, as bee mayd slane.

Psalmyn 80:7

Chyndaa shinyn reesht, uss Yee dy heshaght-chaggee flaunys: jeeagh soilshey dt’eddin, as bee mayd slane.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Isaiah 60:20

Cha jean dty ghrian ny smoo goll sheese; ny dty eayst baarney: son bee’n Chiarn dty hoilshey dy bragh farraghtyn, as bee laghyn dty ghobberan ec kione.

Jeremiah 30:20

Bee yn chloan oc myrgeddin myr ’sy chenn earish, as bee slane theay my phobble ayns sauchys kiongoyrt rhym, as hig-yms chion er ooilley nyn dranlaasee.

Jeremiah 31:18

Ta mee dy mennick er chlashtyn Ephraim gaccan er yn aght shoh; T’ou er my cherraghey, as va mee smaghtit, myr dow neu-oayllagh er y whing: chyndaa uss mee, as bee’m er my hyndaa; son she uss y Chiarn my Yee.

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Jeremiah 33:10

Myr shoh ta’n Chiarn dy ghra, ’Syn ynnyd shoh, (ta shiu gra vees treigit fegooish dooinney ny baagh, eer ayns ard-valjyn Yudah, as ayns straïdyn Yerusalem, ta follym-faase fegooish dooinney, as fegooish cummaltagh, as fegooish baagh,)

Jeremiah 33:13

Ayns baljyn ny sleityn, ayns baljyn ny glionney, as ayns baljyn y jiass, as ayns cheer Venjamin, as ayns ny ardjyn mygeayrt Jerusalem, as ayns ard-valjyn Yudah, nee ny shioltaneyn goll reesht fo ny laueyn echeysyn ta dy choontey ad, ta’n Chiarn dy ghra.

Ezekiel 36:37

Myr shoh ta’n Chiarn Jee dy ghra, Nee thie Israel foast shirrey hym dy yannoo shen er nyn son; nee’m adsyn y vishaghey lesh deiney myr shioltane.

Habakkuk 3:2

O Hiarn, ta mee er chlashtyn dty choraa, as va aggle orrym: O Hiarn, jean dty obbyr y aa-vioghey ayns mean ny bleeantyn, jean soilshaghey; ayns dty yymmoose smooinee er myghin.

Malachi 3:4

Shen y traa vees oural Yudah as Yerusalem eunyssagh gys y Chiarn, myr ayns y chenn earish, as myr ayns ny bleeantyn foddey er-dy-henney.