Dobberan 5:20 - Yn Vible Casherick 1775 1819

²⁰ Cre’n-fa t’ou dy yarrood shin son dy bragh, as treigeil shin son choud dy hraa?

Dobberan 5:20 ပူးပေါင်းရင်းမြစ်များ

Psalmyn 13:1

Caïd nee oo my yarrood, O Hiarn, nee son dy bragh? caïd nee oo follaghey dt’eddin voym?

Psalmyn 13:2

Caïd nee’m coyrle y hirrey ayns m’annym, as ve cha seaghnit ayns my chree: caïd vees my noidyn boggyssagh harrym?

Psalmyn 42:10

Ta’n Chiarn er choyrt e chenjallys-ghraihagh ’sy laa: as ayns imbagh ny hoie ghow mish arrane jehsyn, as ren mee my phadjer gys y Jee jeh my vea.

Psalmyn 44:24

Cre’n-oyr t’ou follaghey dt’eddin: as jarrood nyn dreihys as seaghyn?

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 79:5

Hiarn, caïd vees oo corree: jean dty eadolys lostey myr aile son dy bragh?

Psalmyn 85:5

Bee oo jymmoosagh rooin son dy bragh: as jean oo dty chorree y heeyney magh veih un sheeloghe gys sheeloghe elley?

Psalmyn 89:46

O cooinee cre cha giare as ta my hraa: cre’n-fa t’ou uss er n’yannoo dy chooilley ghooinney dy ve fardalagh?

Isaiah 49:14

Agh dooyrt Zion, Ta’n Chiarn er m’y hreigeil, as ta my Hiarn er my yarrood.

Isaiah 62:6

Ta mee er hoiaghey arreyderyn er dty voallaghyn, O Yerusalem, nagh bee nyn dhost laa ny oie: shiuish ta enmyssit er y Chiarn, ny bee-jee nyn dhost;

Jeremiah 14:9

Cre’n-fa veagh oo myr dooinney fo atchim, myr dooinney lajer t’er choayl e vree? foast t’ou uss, O Hiarn, ny mast’ ain, as ort’s ta shin enmyssit; ny treig shin.