Dobberan 5:2 - Yn Vible Casherick 1775 1819

² Ec joarreeyn ta nyn eiraght, as ny thieyn ain ec nyn noidyn.

Dobberan 5:2 ပူးပေါင်းရင်းမြစ်များ

Psalmyn 109:11

Cha gow dooinney erbee chymmey jeh: ny erreeish y hoilshaghey da e chloan gyn ayr.

Isaiah 1:7

Ta’n cheer eu ny aasagh, ta ny ard-valjyn eu losht lesh aile: yn cheer eu ta joarreeyn dy chur mow roish nyn sooillyn, as te treigit, myr stroit liorish noidyn.

Isaiah 5:17

Eisht nee ny eayin gyndyr ayns nyn oayll hene, as jeh ynnydyn treigit ny berchee gowee joarreeyn yn soylley.

Isaiah 63:18

Cha row eh agh son traa giare eiraght dty phobble’s casherick: ta nyn noidyn er stampey sheese dty ynnyd casherick.

Jeremiah 17:4

As bee uss, dy jarroo oo hene, freilt magh ass dty eiraght hug mee dhyt; as ver-ym ort dy hirveish dty noidyn ayns cheer nagh nhione dhyt: son ta shiu er voaddey aile ayns my yymmoose, nee lostey son dy bragh.

Jeremiah 6:12

As bee ny thieyn oc er ny hyndaa harrish da feallagh elley, marish nyn magheryn as nyn mraane dy cheilley: son sheeyn-yms magh my laue er cummaltee’n cheer, ta’n Chiarn dy ghra.

Ezekiel 7:21

As livrey-yms eh gys laueyn joarreeyn son cragh, as gys mee-chrauee yn thallooin son spooilley, as nee ad eh an-chasherick.

Ezekiel 7:24

Shen-y-fa ver-ym lhiam y chooid smessey jeh ny ashoonee, as gowee ad ny thieyn oc daue hene: ver-yms sheese myrgeddin mooaralys y vooinjer niartal, as bee nyn ynnydyn casherick ny chaitnys.

Hosea 8:7

Son t’ad er chuirr y gheay, as nee ad buinn y gheay-chassee: cha vel bun echey: cha jean y jeeas gymmyrkey meinn, as ga dy jean eh, bee eh stroit ec joarreeyn.

Hosea 8:8

Ta Israel sluggit seose: nish bee ad mastey ny ashoonee myr saagh gyn-ymmyd.

Zephaniah 1:13

Shen-y-fa hig yn chooid oc dy ve son spooilley, as ny thieyn oc nyn dholtanyn: nee ad myrgeddin thieyn y hroggal, agh cha jean ad cummal ayndoo: as nee ad garaghyn-feeyney y hoiaghey, agh jeh’n feeyn oc cha jean ad giu.