Dobberan 5:17 - Yn Vible Casherick 1775 1819

¹⁷ Son shoh ta’n cree ain faiynt, son ny reddyn shoh ta ny sooillyn ain moal;

Dobberan 5:17 ပူးပေါင်းရင်းမြစ်များ

Lioar Yob 17:7

Ta my hooill myrgeddin moal lesh trimshey, as ta ooilley my oltyn myr scadoo.

Psalmyn 31:9

Cha vel oo er my yeigh seose ayns laue my noid: agh er hoiaghey my chassyn ayns boayl dy reamys.

Psalmyn 38:8

Ta mee moal, as guint dy trome: ta mee er yllaghey son eer angaish my chree.

Psalmyn 6:7

Ta my aalid er n’immeeaght lesh eer seaghyn: as er ny lheïe ersooyl kyndagh rish ooilley my noidyn.

Psalmyn 69:3

Ta mee skee lesh geamagh, ta my scoarnagh chirrym: ta my hoilshey dy m’ailleil son farkiaght choud er my Yee.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Isaiah 38:14

Myr eean coar, ny gollan-geayee, shen myr ren mee gaccan; ren mee cooagey myr calmane: ta my hooillyn failleil lesh jeeaghyn seose: O Hiarn, ta mee seaghnit; gow seose my chooish.

Jeremiah 46:5

Kys te, dy vel mee fakin ad agglit as cur cooyl? ta ny treanee oc lhieggit, as er roie er y hon, gyn jeeaghyn nyn yeï: son va aggle cruin mygeayrt-y-moo, ta’n Chiarn dy ghra.

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Dobberan 1:13

T’eh er lhiggey aile veih niau ayns my chraueyn, as te goaill niart orroo: t’eh er skeayley ribbey roish my chassyn, t’eh er my hyndaa: t’eh er n’yannoo mee treigit as faiynt fey-ny-laa.

Dobberan 1:22

Lhig da ooilley’n vee-chraueeaght oc cheet kiongoyrt rhyt: as jean uss roosyn myr t’ou er n’yannoo rhym’s, er coontey ooilley my loghtyn: son ta my osnaghyn ymmodee, as ta my chree er vailleil.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Ezekiel 21:15

Ta mee er hoiaghey baare y chliwe noi ooilley nyn yiattyn, dy chur er nyn gree ve faiynt, as nyn dhieyn ayns ymmodee tholtanyn: aless, te er ny yannoo sollys, te shleeuit cour stroie.

Ezekiel 21:7

As hig eh gy-kione, tra jir ad rhyt, Cre’n-fa t’ou gosnaghey? dy dreggyr oo, Son ny naightyn ta cheet, ver er dy chooilley chree lheïe ersooyl, as bee dy chooilley laue annoon, as hed dy chooilley spyrryd naardey, as bee dy chooilley ghlioon faase myr ushtey: cur-my-ner, te cheet, as hig eh gys kione, ta’n Chiarn Jee dy ghra.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Micah 6:13

Er-y-fa shen myrgeddin, bwoaill-ym oo lesh chingys as traartys, kyndagh rish dty pheccaghyn.

Deuteronomy 28:65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.