Dobberan 5:14 - Yn Vible Casherick 1775 1819

¹⁴ Ta’n chanstyr er hreigeil yn giat; as ny deiney aegey er scuirr veih bingys nyn giaulleeaght.

Dobberan 5:14 ပူးပေါင်းရင်းမြစ်များ

Lioar Yob 30:1

Agh nish ta mee ayns faghid dauesyn ta ny saa na mee hene, ny ayraghyn oc cha by-feeu lhiam dy hoie marish moddee my hioltane.

Lioar Yob 30:31

Ta my chlaasagh myrgeddin er ny hyndaa gys dobberan, as my ghreinyn-kiaullee gys coraa ny trimshee keayney.

Jeremiah 16:9

Son shoh myr ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym er dy scuirr ass y voayl shoh ayns y chilley euish, as ayns ny laghyn eu, yn coraa dy voggey, as yn coraa dy yennallys, coraa’n dooinney-poosee, as coraa yn ven-phoosee.

Jeremiah 25:10

Ny sodjey, ver-ym ny host yn kiaull dy voggey, as yn kiaull dy vingys, coraa yn dooinney-poosee, as coraa ben y phoosee, feiyr ny claghyn-mwyllin, as soilshey yn chainle.

Jeremiah 7:34

Eisht ver-yms gys fea ayns ard-valjyn Yudah, as ayns straïdyn Yerusalem, yn coraa dy vingys, as y kiaull dy yennallys, coraa yn dooinney-poosee, as coraa yn ven-phoosee; son bee’n cheer ny hraartys.

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 2:10

Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Ezekiel 26:13

As ver-yms er kiaulleeaght dty arraneyn dy scuirr, as cha bee bingys ny claasaghyn ny-sodjey er nyn glashtyn.

Hosea 2:13

As nee’m kerraghey urree laghyn Vaalim, ayndoo losht ee incense daue, as ren ee soiaghey magh ee hene lesh e fainaghyn-cleayshey, as e jewellyn, as hie ee geiyrt er e gimmanyn, as yarrood ee mish, ta’n Chiarn dy ghra.

Deuteronomy 16:18

Briwnyn as fir-oik nee oo y phointeil dhyt hene ayns ooilley dty yiattyn, ta’n Chiarn dty Yee dy choyrt dhyt trooid magh dty hribeyn: as nee adsyn briwnys kiart y hirveish er y pobble.

Ashlish 18:22

As cha bee kiaull claaseyderyn, as fir-chiaullee, as piperyn, as fir-chayrnee, arragh er ny chlashtyn aynyd’s; as cha bee fir-cheirdey jeh keird erbee, arragh ry-gheddyn aynyd’s; as cha bee feiyr y chlagh-wyllin ny smoo er ny chlashtyn aynyd’s.