Dobberan 4:9 - Yn Vible Casherick 1775 1819

⁹ Adsyn t’er nyn marroo lesh y chliwe, t’ad ny share jeh, na adsyn ta goll dy baase lesh accyrys: son t’ad shoh shymley ersooyl, as goll eig ayns feme messyn y vagheragh.

Dobberan 4:9 ပူးပေါင်းရင်းမြစ်များ

2 Reeaghyn 25:3

As er y nuyoo laa jeh’n chiarroo vee ghow’n gortey niart ayns yn ard-valley, as cha row beaghey son ny cummaltee.

Exodus 16:3

As dooyrt cloan Israel roo, Dy baillish Jee, dy beagh shin er gheddyn baase liorish laue yn Chiarn ayns cheer Egypt, raad hoie shin liorish ny pooiyt-feill, as raad va nyn saie arran ain dy ee: son ta shiu er chur lhieu shin stiagh ’syn aasagh shoh, dy chur naardey yn slane cheshaght shoh lesh accryssyd.

Isaiah 22:2

Uss ta lane dy anvea, ard-valley boiragh, ard-valley reagh: cha vel dty verriu er ny varroo lesh y chliwe, ny stroit ayns caggey.

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Ezekiel 24:23

As nee shiu nyn ghing y choamrey, as bee nyn mraagyn er nyn gassyn; cha jean shiu dobberan ny keayney, agh nee shiu shymley ersooyl son nyn mee-chraueeaght, as dobberan y derrey yeh gys y jeh elley.

Ezekiel 33:10

Shen-y-fa, O uss vac y dooinney, loayr rish thie Israel: Shoh myr ta shiuish loayrt, gra, My ta shin fo loght as kerraghey nyn beccaghyn, as shymley ersooyl ayndoo, kys oddys mayd eisht cummal rish dy ve bio?

Ezekiel 4:16

Ny-sodjey, dooyrt eh rhym, Vac y dooinney, cur-my-ner, neem’s bun yn arran y vrishey ayns Jerusalem, as nee ad arran y ee liorish towse, as thanvaneys.

Ezekiel 7:15

Ta’n cliwe cheu-mooie, as y phaitt, as yn ghortey cheu-sthie, eshyn t’ayns y vagher, yiow eh baase liorish y chliwe: as eshyn t’ayns yn ard-valley, nee gortey as paitt ad y stroie.

Leviticus 26:39

As nee adsyn, vees faagit er-mayrn, shymley ersooyl fo nyn mee-chraueeaght, ayns cheer nyn noidyn; as myrgeddin, ayns mee-chraueeaght nyn ayraghyn, nee ad shymley ersooyl mâroo.

Deuteronomy 28:51

As nee eh gee ingan dty vaase, as mess dty halloo, derrey vees oo stroit: cha vaag eh dhyt arroo, feeyn, ny ooil, ny bishagh dty ollagh, ny dty hioltaneyn keyrragh, derrey t’eh er dty stroie.