Dobberan 4:5 - Yn Vible Casherick 1775 1819

⁵ Adsyn va beaghey dy keiyn, t’ad treigit ayns ny straïdyn: adsyn va coamrit lesh scarleod t’ad lhie er ny torranyn.

Dobberan 4:5 ပူးပေါင်းရင်းမြစ်များ

2 Samuel 1:24

Shiuish inneenyn Israel, keayn-jee son Saul, ren nyn goamrey dy aalin lesh scarleod, marish toyrtyssyn elley; ren shiu y hoiaghey magh lesh jewellyn dy airh, er nyn goamrey.

2 Reeaghyn 18:27

Agh dooyrt Rab-shakeh roo, Vel my vainshtyr er choyrt mish gys dty vainshtyr, as hood’s, dy loayrt ny goan shoh? nagh vel eh er my choyrt gys ny deiney ta nyn soie er y voalley, dy bee ad êginit dy ee yn eoylley oc hene, as dy iu yn ushtey oc hene mêriu?

Lioar Yob 24:8

T’ad fluigh lesh frassyn ny sleityn, as t’ad lhie rish y chreg son fastee;

Raaghyn Creeney 31:21

Cha vel ee ayns aggle erbee roish y sniaghtey son y lught-thie eck: son ta ooilley yn vooinjer eck coamrit dy souyr.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Noo Luke 15:16

As by-vian lesh e volg y lhieeney lesh ny bleaystyn va ny muckyn dy ee: as cha row dooinney erbee hug cooney da.

Noo Luke 16:19

Va dooinney berchagh dy row va coamrit ayns gorrym-jiarg, as sheeidey, as farrail dy soaillagh dy chooilley laa.

Noo Luke 7:25

Agh cre hie shiu magh dy akin? Dooinney soit magh ayns coamrey moyrnagh! Cur-my-ner t’adsyn ta ceau coamrey costal, as farrail dy seyr, ayns plaaseyn reeoil.

1 Timothy 5:6

Agh ish ta baghey ayns reamys neu-lowal, t’ee marroo ga dy vel ee bio.