Dobberan 4:4 - Yn Vible Casherick 1775 1819

⁴ Ta chengey yn oikan er y cheeagh lhiantyn gys e ghruntyn trooid paays: ta’n chloan aegey geearree arran, as cha vel unnane dy hirveish eh orroo.

Dobberan 4:4 ပူးပေါင်းရင်းမြစ်များ

2 Reeaghyn 18:27

Agh dooyrt Rab-shakeh roo, Vel my vainshtyr er choyrt mish gys dty vainshtyr, as hood’s, dy loayrt ny goan shoh? nagh vel eh er my choyrt gys ny deiney ta nyn soie er y voalley, dy bee ad êginit dy ee yn eoylley oc hene, as dy iu yn ushtey oc hene mêriu?

2 Reeaghyn 25:3

As er y nuyoo laa jeh’n chiarroo vee ghow’n gortey niart ayns yn ard-valley, as cha row beaghey son ny cummaltee.

Psalmyn 137:6

Mannagh gooin-yms ort’s, lhig da my hengey lhiantyn gys druntyn my veeal: dy jarroo mannagh vel mee soiaghey jeh Jerusalem erskyn dy chooilley voggey elley.

Psalmyn 22:15

Ta my niart chyrmit seose myr peesh dy haagh-craie, as ta my hengey lhiantyn gys my ghruntyn: as ver uss lhiat mee gys joan y vaaish.

Isaiah 5:13

Shen-y-fa ta my phobble er n’gholl ayns cappeeys, er-yn-oyr dy vel ad gyn tushtey; as ta ny deiney oc er n’gholl neeu ’sy ghortey, as ta’n slane pobble oc craghit lesh paays,

Jeremiah 14:3

As ta ny chiarnyn oc er chur magh nyn mooinjer veggey gys ny ushtaghyn: haink ad gys ny puill, as cha row bine ry-gheddyn; hyndaa ad reesht lesh nyn siyn follym; v’ad mooar-seaghnit as ec kione nyn geiley, as dollee ad nyn eddin.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Noo Luke 10:11

Eer joan yn ard-valley eu, ta lhiantyn hooin, ta shin dy chraa j’in nyn ’oï eu: ny-yeih, bee-jee shickyr jeh shoh, dy vel reeriaght Yee er jeet er-gerrey diu.

Deuteronomy 28:48

Shen-y-fa, nee oo shirveish dty noidyn, ver y Chiarn dt’oï, ayns genney arran, as ushtey, rooisht, as ayns feme jeh dy chooilley nhee: as ver eh yn whing yiarn er dty wannal, derrey t’eh er dty choyrt mow.

Deuteronomy 32:24

Bee ad losht lesh gortey, as er nyn stroie lesh smarageyn loshtee, as lesh toyrt-mow atchimagh: lhig-ym feayshlit orroo myrgeddin feeacklyn beishtyn feïe, lesh pyshoon ard-nieughyn ny hooirey.