Dobberan 4:3 - Yn Vible Casherick 1775 1819

³ Ta eer raunyn ny marrey tayrn magh nyn sheeintyn, t’ad cur keeagh da ny quallianyn oc: ta inneen my phobble er n’aase dewil, myr ny ostrichyn ayns yn aasagh.

Dobberan 4:3 ပူးပေါင်းရင်းမြစ်များ

1 Reeaghyn 3:21

As tra dirree mee ’sy voghrey dy chur keeagh da my lhiannoo, cur-my-ner, v’eh marroo; agh lurg dou ve er smooinaght er shoh ’sy voghrey, cur-my-ner, cha nee my vac’s v’ayn, ren mee y ymmyrkey.

Isaiah 13:22

As maase feïe ny ellanyn nee geam ayns nyn dholtanyn, as dragonyn ayns nyn blaaseyn aalin; as ta’n traa eck er-gerrey, as cha bee ny laghyn eck foddey beayn.

Isaiah 34:13

As aasee drineyn seose ayns ny plaaseyn eck, undaagagh as dressyn ayns ny cashtallyn eck; as bee eh son cummal dragonyn, as oayll son hulladyn.

Isaiah 49:15

Vod ben jarrood yn lhiannoo ta jiole urree, nagh beagh ee chymmoil er oikan e breïn? dy jarroo, foddee ad jarrood; agh foast cha jean-yms uss y yarrood.

Jeremiah 19:9

As ver-ym orroo gee feill nyn mec, as feill ny inneenyn oc hene, as dy n’ee ad dagh unnane feill e charrey, ’sy chaggey as ’sy chennid lesh nee nyn noidyn, as adsyn ta shirrey nyn mioys, ad y chruinnaghey stiagh.

Dobberan 2:20

Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 4:10

Ta laueyn ny mraane erreeishagh er n’aarlagh yn chloan oc hene, v’ad yn beaghey oc ayns toyrt-mow inneen my phobble.

Ezekiel 5:10

Shen-y-fa nee ny ayraghyn gee nyn gloan cheu-sthie jeed, as nee ny cloan gee nyn ayraghyn; as neem’s my vriwnyssyn y chooilleeney aynyd’s, as ooilley ny t’er-mayrn jeed neem’s y skeayley gys dy chooilley gheay.

Leviticus 26:29

As bee shiu êginit dy ee feill nyn mec, as feill nyn inneenyn.

Romanee 1:31

Fegooish tushtey, brishey conaantyn, fegooish graih dooghyssagh, elgyssee, neu-vyghinagh: