Dobberan 4:22 - Yn Vible Casherick 1775 1819

²² Ta kerraghey dty vee-chairys cooilleenit, O inneen Zion, cha der eh lesh oo arragh gys cappeeys: gowee eh kerraghey er dty vee-chairys, O inneen Edom, ver eh briaght er dty pheccaghyn.

Dobberan 4:22 ပူးပေါင်းရင်းမြစ်များ

Psalmyn 137:7

Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

Isaiah 40:2

Loayr-jee dy gerjoilagh rish Jerusalem, as eïe-jee dy vel y seaghyn eck harrish, dy vel y vee-chairys eck er ny phardooney; son t’ee er gheddyn veih laue yn Chiarn [kerraghey] dooble son ooilley e peccaghyn.

Isaiah 52:1

Dooisht oo, dooisht oo; cur mood dty niart, O Zion; cur mood dty gharmadyn aalin, O Yerusalem, yn ard-valley casherick: veih shoh magh cha jig ny smoo stiagh aynyd’s ny chymmyltee as y neu-ghlen.

Isaiah 60:18

Cha bee tranlaase ny smoo er ny chlashtyn trooid dty heer, traartys ny treihys ayns dty ardjyn: agh nee oo genmys dty voallaghyn Saualtys, as dty yiattyn Moylley.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Jeremiah 33:7

As ver-ym chyndaa da cappeeys Yudah, as cappeeys Israel, as trog-yms ad myr ec y toshiaght.

Jeremiah 33:8

As nee’m ad y ghlenney veih ooilley yn vee-chairys oc, liorish t’ad er n’yannoo peccah m’oï; as leih-yms daue ooilley ny loghtyn, ayndoo t’ad er ny ve foiljagh, as lioroo t’ad er n’irree-magh m’oï.

Jeremiah 49:10

Agh ta mee er n’yannoo Esau lhome, ta mee er vosley e hashtaghyn, as cha vod eh keiltyn eh-hene: t’eh naardey rass as cass, marish e vraaraghyn as e naboonyn, as cha vel shilley jeu faagit.

Jeremiah 50:20

Ayns ny laghyn shen, as ec y traa cheddin, ta’n Chiarn dy ghra, nee ad briaght son loght Israel, agh cha bee veg ayn; as son peccaghyn Yudah, agh cha bee ad ry-gheddyn: son beem’s myghinagh dauesyn ta mee dy livrey.

Dobberan 4:21

Gow boggey, as bee gennal, O inneen Edom, ta cummal ayns cheer Uz; nee yn cappan myrgeddin goll harrish hood: bee uss er-meshtey, as er dty roostey.

Dobberan 4:6

Son ta kerraghey mee-chairys inneen my phobble ny s’trimmey na kerraghey peccah Sodom, va stroit myr ayns shallid, as cha row laue dooinney urree.

Ezekiel 37:28

As bee fys ec ny ashoonee, dy vel mish dy chasherickey Israel, tra vees my ynnyd casherick ny mast’ oc er son dy bragh.

Ezekiel 6:12

Eshyn ta foddey jeh, yiow eh baase jeh’n phaitt, as eshyn ta er-gerrey nee eh tuittym liorish y chliwe, as eshyn ta er-mayrn ayns chennid yn ard-valley, yiow eh baase lesh gortey: myr shoh neem’s my eulys y chooilleeney orroo.

Obadiah 1:10

Son dty hranlaase noi dty vraar Jacob, bee oo coodit lesh nearey, as er dty yiarey jeh son dy bragh.

Malachi 1:3

Agh cha by-haittin lhiam Esau, as hug mee naardey ny sleityn echeysyn, as e eiraght son dragonyn yn aasagh.

Malachi 1:4

As son wheesh as dy vel Edom gra, Ta shin er nyn leodaghey, agh nee mayd chyndaa as troggal ny buill faasagh, myr shoh ta Chiarn ny flaunyssee dy ghra, Nee adsyn troggal, agh lhieg-yms sheese, as nee sleih genmys ad, Yn oayll dy vee-chairys, as, Yn pobble fo jymmoose y Chiarn son dy bragh.