Dobberan 4:21 - Yn Vible Casherick 1775 1819

²¹ Gow boggey, as bee gennal, O inneen Edom, ta cummal ayns cheer Uz; nee yn cappan myrgeddin goll harrish hood: bee uss er-meshtey, as er dty roostey.

Dobberan 4:21 ပူးပေါင်းရင်းမြစ်များ

Genesis 36:28

Cloan Dishan ad shoh; Uz as Aran.

2 Recortyssyn 28:19

Son va’n Chiarn er hayrn Judah feer injil, er coontey Ahaz ree Yudah; my-chyndagh rish ny peccaghyn echeysyn noi’n Chiarn, va Judah faagit gyn cooney.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Psalmyn 137:7

Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Jeremiah 49:12

Son myr shoh ta’n Chiarn dy ghra, Cur-my-ner, adsyn nagh row deyrit dy iu jeh’n chappan, t’ad er n’iu dy dowin jeh; as vel uss jerkal dy jed oo ooilley-cooidjagh gyn kerraghey? cha bee eh lhiggit lhiat, agh nee oo dy shickyr giu jeh.

Jeremiah 49:7

Mychione Edom, shoh ta Chiarn ny flaunyssee gra, Vel creenaght arragh ayns Teman? vel coyrle er vailleil veih’n vooinjer hushtagh? vel ad ooilley er choayl nyn geeayll?

Ezekiel 25:6

Son myr shoh ta’n Chiarn Jee dy ghra, Er-yn-oyr dy vel uss er woalley dty vassyn, as er stampey lesh dty chassyn, as er ghoaill boggey ayns dty chree lesh ooilley dty vyskid noi cheer Israel:

Ezekiel 25:8

Myr shoh ta’n Chiarn Jee dy ghra, Er-yn-oyr dy vel Moab as Seir gra, Cur-my-ner ta thie Yudah goll-rish ooilley ny ashoonee:

Ezekiel 26:2

Vac y dooinney, er-yn-oyr dy vel Tyrus er ghra noi Jerusalem, Aha, ta ish, va giattyn y phobble, brisht, t’ee er ny hyndaa hym’s, beem’s er my lhieeney lh’ee, nish dy vel ee er ny choyrt naardey.

Amos 1:11

Shoh myr ta’n Chiarn dy ghra, Son three ard-pheccaghyn Edom, as son kiare cha jyndaa-ym ersooyl e cherraghey: er-yn-oyr dy deiyr eh er e vraar lesh y chliwe, as dy hilg eh jeh dy chooilley erreeish, as ren e chorree freaney dy kinjagh, as dreill eh e yymmoose son dy bragh.

Obadiah 1:1

Ashlish Obadiah. Shoh myr ta’n Chiarn Jee dy ghra mychione Edom; Ta shin er chlashtyn goo veih’n Chiarn, as ta chaghter er ny choyrt mastey ny ashoonee, Trog-jee erriu, as lhig dooin goll seose noi eck ayns caggey.

Micah 1:11

Royd oo, uss chummaltagh Saphir, lesh dty nearey rooisht: cha daink cummaltagh Zaanan magh ayns dobberan Veth-ezel; ga dy nee veueish haink e niart.

Habakkuk 2:16

T’ou er dty lhieeney lesh nearey son gloyr: iu uss myrgeddin, as lhig da dty nearey ve rooisht: bee cappan laue yesh y Chiarn er ny hyndaa hood’s, as bee tilgey naareydagh er dty ghloyr.

Ashlish 16:15

Cur-my-ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.