Dobberan 4:20 - Yn Vible Casherick 1775 1819

²⁰ Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Dobberan 4:20 ပူးပေါင်းရင်းမြစ်များ

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

Genesis 44:30

Nish er-y-fa shen, tra hig-ym gys dty harvaant m’ayr, as nagh bee’n scollag mârin; (fakin dy vel y vioys echeysyn kianlt seose ayns bioys y scollag)

2 Samuel 1:14

As dooyrt David rish, Cammah, nagh row aggle ort dy heeyney magh dty laue dy stroie fer-ooilit y Chiarn?

2 Samuel 1:21

Shiuish sleityn Yilboa, ny lhig da druight ny fliaghey cheet erriu, ny magheryn ourallagh: son shen y raad va scape y dooinney niartal, eer scape Saul, dy naareydagh er ny hilgey ersooyl, myr nagh beagh eh er ny ve yn ree ooilit.

2 Samuel 18:3

Agh dreggyr y pobble, Cha jed uss magh; son my ver shinyn cooyl, cha jean ad scansh j’inyn; chamoo my vees y derrey lieh j’inyn giarit jeh vees soiaghey jeant j’in: agh nish sheeagh uss jeih thousaneyn j’inyn: shen-y-fa nish, te ny share uss dy choyrt cooney magh hooin ass yn ard-valley.

2 Samuel 19:21

Agh dreggyr Abishai mac Zeruiah, as dooyrt eh, Nagh bee Shimei er ny choyrt gy-baase son shoh, dy ren eh gwee mollaght er ree ooilit y Chiarn?

2 Recortyssyn 35:25

As ren Jeremiah dobberan son Josiah, as ren ooilley ny arranee chammah deiney as mraane gimraa er Josiah ayns nyn gronneeaght trimshagh gys y traa t’ayn, as va shoh son oardagh ayns Israel: as cur-my-ner, t’ad scruit ayns lioar y dobberan.

Isaiah 32:2

As bee yn dooinney shen myr scaa veih’n gheay, as fastee veih’n dorrin; myr awin ushtey ayns thalloo chirrym; myr scadoo creg vooar ayns cheer sponkit.

Jeremiah 39:5

Agh deiyr armee ny Caldeanee orroo, as verr ad er Zedekiah ayns cheer-rea Yericho: as tra v’ad er ghoaill eh, hug ad lhieu seose eh gys Nebuchadrezzar ree Vabylon gys Riblah, ayns cheer Hamath, raad hug eh briwnys n’oï.

Jeremiah 52:8

Agh deiyr armee ny Caldeanee er y ree, as verr ad er Zedekiah ayns cheer-rea Yericho; as va ooilley e heshaght-chaggee er ny skeayley voish.

Jeremiah 52:9

Eisht ghow ad yn ree, as hug ad lhieu seose eh gys ree Vabylon ec Riblah, ayns thalloo Hamath; raad hug eh briwnys er.

Dobberan 2:9

Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Ezekiel 17:18

Fakin dy vel eh er hoiaghey beg jeh yn vreearrey, liorish brishey yn conaant (tra, cur-my-ner, ren eh e laue y ghialtaghey) as er n’yannoo ooilley ny reddyn shoh, cha jean eh scapail.

Ezekiel 31:17

Hie adsyn myrgeddin sheese gys niurin mârish, hucsyn t’er nyn stroie lesh y chliwe, as adsyn va’n roih echey, baghey fo’n scadoo echey ayns mean ny ashoonyn.

Daniel 4:12

Va ny duillagyn echey aalin, as e vess ymmodee, as ayn va beaghey son ooilley, va maase y vagheragh goaill fastee fo, as va eeanlee yn aer cummal ayns e vanglaneyn, as va dy chooilley eill er ny veaghey jeh.

Hosea 13:10

Beem’s dty ree: cre vel fer erbee elley oddys sauail oo ayns ooilley dty ard-valjyn? as dty vriwnyn, my-nyn-gione dooyrt oo, Cur dou ree as princeyn?

Briwnyn 9:15

As dooyrt y dress rish ny biljyn, My ta shiu dy jarroo dy ooilaghey mish dy ve ree harriu, eisht tar-jee as cur-jee nyn marrant er y scadoo aym’s; as mannagh jean shiu, lhig da aile cheet magh veih’n dress, as stroie biljyn-cedar Lebanon.

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 12:5

As dooyrt eh roo, Ta’n Chiarn feanish nyn ’oï, as e ree ooilit feanish yn laa jiu, nagh vel shiu er gheddyn monney dy vee-chairys ayns my laue. As dreggyr ad, T’eh ny eanish.

1 Samuel 16:6

As haink eh gy-kione, tra v’ad er jeet, dy yeeagh eh er Eliab, as smooinee eh rish hene, Son shickyrys ta fer-ooilit y Chiarn kiongoyrt rish.

1 Samuel 24:10

Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t’eh ree ooilit y Chiarn.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 26:16

Ayns shoh t’ou feer foiljagh: myr ta’n Chiarn bio, ta shiu toilchin baase, er-yn-oyr nagh vel shiu er vreayll arrey er nyn mainshtyr ree ooilit y Chiarn. As nish jeeagh cre vel shleiy yn ree, as y saagh ushtey v’ec e chione.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?