Dobberan 4:18 - Yn Vible Casherick 1775 1819

¹⁸ T’ad shelg nyn gesmadyn, nagh vod mayd goll trooid nyn straïdyn: ta’n jerrey ain er-gerrey, ta nyn laghyn harrish, son ta’n jerrey ain er jeet.

Dobberan 4:18 ပူးပေါင်းရင်းမြစ်များ

Lioar Yob 10:16

Son te lhieeney orrym. T’ou dy my helg myr lion dewil; as reesht ta dty laue yindyssagh trome orrym.

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Jeremiah 1:12

Eisht dooyrt y Chiarn rhym, T’ou er n’akin cowrey mie: son nee’m siyr er my ghoo dy chooilleeney eh.

Jeremiah 16:16

Cur-my-ner, ver-ym fys er ymmodee eeasteyryn, ta’n Chiarn dy ghra, as nee ad y hayrtyn ad; as ver-ym fys er ymmodee shelgeyryn, as nee ad y helg ad veih dy chooilley lieau, as veih dy chooilley chronk, as veih guaggyn ny creggey.

Jeremiah 37:13

As myr v’eh goll magh er giat Venjamin, raad va captan arreyder, e ennym Irijah, mac Shelemiah, mac Hananiah, ghow eh Jeremiah yn phadeyr, gra, T’ou uss goll er cheu ny Caldeanee.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 51:33

Son myr shoh ta Chiarn ny flaunyssee, Jee Israel, dy ghra, Ta inneen Vabylon goll-rish laare-vooie, t’ee traa y woalley: foast tammylt beg, as hig earish yn ouyr eck.

Dobberan 3:52

Ren my noidyn shelg mee dy gyere gyn oyr, myr ushag.

Ezekiel 12:27

Vac y dooinney, cur-my-ner, t’adsyn jeh thie Israel dy ghra, Ta’n ashlish t’eh dy akin, son ymmodee laghyn ry-heet, as t’eh phadeyrys jeh ny earishyn foddey jeh.

Amos 8:2

As dooyrt eh, Amos, cre t’ou fakin? As dooyrt mee, Baskad dy vessyn-souree. Eisht dooyrt y Chiarn rhym’s, Ta’n jerrey er jeet er my phobble Israel, cha lhiggym shaghey ny-sodjey.

1 Samuel 24:14

Quoi ny lurg ta ree Israel er jeet magh? quoi eh t’ou geiyrt er? er moddey marroo, er jargan.