Dobberan 4:17 - Yn Vible Casherick 1775 1819

¹⁷ Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Dobberan 4:17 ပူးပေါင်းရင်းမြစ်များ

2 Reeaghyn 24:7

As cha daink ree Egypt arragh ass e heer hene: son va ree Vabylon er ghoaill, veih awin Egypt gys awin Euphrates, ooilley ny va bentyn da ree Egypt.

Isaiah 20:5

As bee ad agglagh as naareydagh jeh Ethiopia nyn marrant, as jeh Egypt nyn moggyssagh.

Isaiah 28:18

As bee yn conaant eu rish y vaase er ny rassey, as cha jean yn coardail eu rish niurin shassoo; tra nee yn slatt goll trooid y cheer myr thooilley, eisht bee shiuish broojit dy myn liorish.

Jeremiah 2:18

As nish, cre t’ayd’s dy yannoo rish raad Egypt, dy iu ushtaghyn Sihor? ny cre t’ayd’s dy yannoo rish raad Assyria, dy iu ushtaghyn yn awin?

Jeremiah 2:36

Cre’n-fa t’ou goaill wheesh dy rouail ort dy chaghlaa dty raad? bee nearey ort myrgeddin son Egypt, myr va nearey ort son Assyria.

Jeremiah 2:37

Dy jarroo, hed oo magh voish [dobberan], lesh dty laueyn er dty chione: son ta’n Chiarn er choyrt sheese dy varrantee, as cha bee ayd foays erbee lioroo.

Jeremiah 8:20

Ta’n fouyr harrish, ta’n sourey ec kione, as foast cha vel feaysley ain.

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:7

Chooinee Jerusalem, ayns laghyn yn seaghyn as y treihys eck, er e cooid eunyssagh v’eck ayns y chenn earish, tra huitt e pobble ayns laueyn ny noidyn, cha row eck fer-coonee erbee, honnick e noidyn ee, as chraid ad mysh ny dooneeyn eck.

Dobberan 5:6

Ta shin er heeyney magh nyn laue gys ny Egyptianee, as gys ny Assyrianee, son greme dy arran.

Ezekiel 29:16

As cha bee ish ny-sodjey barrantys thie Israel, shen ta cur lesh yn vee-chairys ocsyn gys cooinaghtyn, tra yeeaghys ad nyn lurg: agh bee fys oc dy nee mish y Chiarn Jee.