Dobberan 4:16 - Yn Vible Casherick 1775 1819

¹⁶ Ta corree yn Chiarn er skeayley ad, cha der eh geill sodjey daue: cha ren ad soiaghey jeh persoon ny saggyrtyn, ny cur ammys da’n chanstyr.

Dobberan 4:16 ပူးပေါင်းရင်းမြစ်များ

Genesis 49:7

Dy row mollaght er y farg oc, son ve eulyssagh; as y jymmoose oc, son ve dewil: neem’s ad y scarrey ayns Jacob, as ad y skeayley ayns Israel.

2 Recortyssyn 36:17

Shen-y-fa hug eh lesh orroo ree ny Caldeanee, ren ny deiney aegey oc y varroo lesh y chliwe, ’sy chiamble casherick, as cha row chymmey erbee oc er dooinney aeg, ny moidyn, er shenn ghooinney, ny ersyn va croymmey lesh eash: livrey eh ad ooilley gys e laue.

Psalmyn 106:27

Dy hilgey magh yn sluight oc mastey ny ashoonyn: as dy skeayley ad trooid ny cheeraghyn.

Psalmyn 106:44

Chooinee eh er e chonaant, as va chymmey echey orroo, cordail rish earroo e vyghinyn: hug eh dy jarroo orroosyn ooilley va leeideil ad ersooyl ayns cappeeys dy ve erreeishagh daue.

Isaiah 24:2

As shen myr vees eh, dy jean y pobble as y saggyrt farrail co-laik; yn fer-mooinjerey as e vainshtyr; yn charvaant as e ben-ainshtyr; yn kionneyder as y creckeyder; yn eeaseyder as yn eeaseydagh; yn tackeyder as yn tackeydagh; dy jean ad ooilley farrail co-laik.

Isaiah 47:6

Va mee jymmoosagh rish my phobble; ta mee er n’yannoo my eiraght feohdoil, as er livrey ad gys dty laue: cha ren oo myghin y hoilshaghey daue; er y chenndeeaght t’ou dy feer trome er lhie yn whing.

Jeremiah 15:4

As ver-ym orroo dy v’er nyn scughey gys ooilley reeriaghtyn y theihll, kyndagh rish Manasseh mac Hezekiah ree Yudah, son shen ny ren eh ayns Jerusalem.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 52:24

As ghow captan y ghard Seraiah yn ard-saggyrt, as Zephaniah yn nah haggyrt, as ny three arreyderyn giattey:

Dobberan 2:20

Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 2:6

As t’eh dy bollagh er astyrt e chabbane-agglish myr (bwaag) ass garey, t’eh er stroie ynnydyn e haglym cooidjagh: ta’n Chiarn er chur er ny feaillaghyn as ny dooneeyn dy v’er ny yarrood ayns Zion, as ayns mooadys e yymmoose t’eh er hoiaghey beg jeh’n ree as y taggyrtys.

Dobberan 5:12

Ta ny princeyn croghit liorish ny laueyn oc; cha ren ad soiaghey jeh eddin y chanstyr.

Ezekiel 5:10

Shen-y-fa nee ny ayraghyn gee nyn gloan cheu-sthie jeed, as nee ny cloan gee nyn ayraghyn; as neem’s my vriwnyssyn y chooilleeney aynyd’s, as ooilley ny t’er-mayrn jeed neem’s y skeayley gys dy chooilley gheay.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 32:26

Dooyrt mee, Dy jinnin ad y skeayley dys corneilyn, dy jinnin yn imraa jeu dy ve caillit mastey deiney:

Hebrewnee 8:9

Cha nee cordail rish y chonaant ren mee rish ny ayraghyn oc ayns y laa ghow mee ad er y laue dy leeideil ad magh ass cheer Egypt; son nagh dreill ad my chonaant, as hreig mee ad, ta’n Chiarn dy ghra.