Dobberan 4:13 - Yn Vible Casherick 1775 1819

¹³ Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Dobberan 4:13 ပူးပေါင်းရင်းမြစ်များ

Jeremiah 14:14

Eisht dooyrt y Chiarn rhym, Ta ny phadeyryn jannoo phadeyrys breagagh ayns m’ennym’s; cha dug mee ad er y chaghteraght shoh, chamoo hug mee sarey daue, chamoo loayr mee roo: t’ad fockley magh diu ashlish foalsey, as faishnaghyn breagagh, as red gyn veg, as molteyrys yn chree oc hene.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 6:13

Son veih’n fer sloo eer gys y fer smoo jeu, ta dy chooilley unnane sondagh er cosney; as veih’n phadeyr eer gys y taggyrt, ta dy chooilley er dellal dy molteyragh.

Dobberan 2:14

Ta dty adeyryn er vakin nheeghyn fardalagh as ommijagh er dty hon; as cha vel ad er vrah dty loghtyn, dy hyndaa ersooyl dty chappeeys, agh t’ad er vakin dty chour erraghyn foalsey, as oyryn eebyrt-cheerey.

Ezekiel 11:6

Ta shiu er vishaghey nyn merriu ayns yn ard-valley shoh, as ta shiu er lhieeney ny straïdyn eck lesh dunverys.

Ezekiel 22:25

Ta coardail follit mastey ny phadeyryn eck cheu-sthie j’ee, myr lion garveigagh lheim er y spooilley: t’ad er stroie anmeenyn: t’ad er ghoaill yn verchys, as yn chooid chostal: t’ad er n’yannoo ymmodee mraane-treoghe cheu-sthie j’ee.

Noo Mian 23:31

Shen-y-fa ta shiu nyn veanishyn noi eu hene, dy nee shiuish yn sluight ocsyn hug ny phadeyryn dy baase.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys: