Dobberan 3:7 - Yn Vible Casherick 1775 1819

⁷ T’eh er chruinnaghey mee mygeayrt nagh voddym cosney magh: t’eh er n’yannoo my gheuley trome.

Dobberan 3:7 ပူးပေါင်းရင်းမြစ်များ

Lioar Yob 19:8

T’eh er yeigh seose my raad, nagh voddym geddyn harrish, as t’eh er skeayley dorraghys roish my chassyn.

Lioar Yob 3:23

Cre’n-fa ta soilshey er ny choyrt da’n dooinney shen ta e raad ayns dorraghys, as eh ta Jee er chruinnaghey mygeayrt lesh seaghyn?

Psalmyn 88:8

Ta mee cha shickyr ayns pryssoon: nagh voddym geddyn ass.

Psalmyn 88:9

Ta my hoilshey gaase moal lesh eer seaghyn: Hiarn, ta mee er n’eamagh ort’s gagh laa, ta mee er heeyney magh my laueyn hood’s.

Jeremiah 38:6

Eisht ghow ad Jeremiah, as hilg ad eh ayns dungeon Valchiah mac Hammelech, va ayns cooyrt y phryssoon: as lhig ad sheese Jeremiah lesh coyrdyn. As ayns y dungeon cha row ushtey erbee, agh laagh; myr shen dy row Jeremiah dowin ’sy laagh.

Jeremiah 40:4

As nish, cur-my-ner, ta mee dy dty eaysley jiu veih ny geulaghyn ta er dty laueyn. My s’taittin lhiat goll mârym gys Babylon, tar royd, as bee’m dooie rhyt; agh mannagh by-haittin lhiat goll mârym gys Babylon, jean dty aigney hene: cur-my-ner, ta ooilley yn cheer shoh royd: raad erbee dy vaik oo mie as jesh dhyt hene, gow dty chummal ayns shen.

Dobberan 1:14

Ta quing my loghtyn kianlt orrym liorish e laue’s: t’ad cast, as chionnit mysh my wannal: t’eh er lhaggaghey my niart, ta’n Chiarn er my livrey gys ny laueyn ocsyn nagh voddym shaghney.

Dobberan 3:9

T’eh er yeigh my raaidyn lesh claghyn giarit: t’eh er n’yannoo ny chassanyn cam.

Dobberan 5:5

Ta ny mwannallyn ain fo tranlaase; ta shin laboragh, as cha vel aash erbee ain.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Hosea 2:6

Shen-y-fa, cur-my-ner, atnee-ym seose dty raad lesh drineyn, as nee’m voalley, nagh vow ee magh e oayll.