Dobberan 3:66 - Yn Vible Casherick 1775 1819

⁶⁶ Nee oo geiyrt ad, as stroie ad ayns dty yymmoose, veih fo niaughyn y Chiarn.

Dobberan 3:66 ပူးပေါင်းရင်းမြစ်များ

2 Reeaghyn 14:27

Agh cha dooyrt y Chiarn dy jinnagh eh dolley ass ennym Israel veih fo niau: agh haue eh ad liorish laue Yeroboam mac Yoash.

Psalmyn 115:16

Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 35:5

Bee ad myr y joan roish y gheay: as ainle y Chiarn dyn skeayley ad.

Psalmyn 35:6

Bee’n raad oc dorraghey as shliawin: as nee ainle y Chiarn ad y imman.

Psalmyn 73:15

Eisht ghow mee ayns laue dy hoiggal shoh: agh ve ro ghoillee er my hon,

Psalmyn 8:3

Son goym tastey jeh dty niaughyn, eer obbraghyn dty veïr: yn eayst as ny rollageyn t’ou er n’oardaghey.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 10:11

Myr shoh jir shiu roosyn, Ny jeeghyn nagh ren ny niaughyn ny’n thalloo y chroo, nee ad shen eer cherraghtyn veih’n thalloo, as veih fo ny niaughyn shoh.

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Dobberan 3:43

T’ou er choodaghey shin lesh dty yymmoose, as er n’yannoo tranlaase orrin: t’ou er varroo gyn erreeish.

Hosea 8:3

Ta Israel er hreigeil shen ta mie; nee yn noid eh y helg.

Deuteronomy 25:19

Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta’n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Deuteronomy 29:20

Cha lhig y Chiarn lesh, agh nee corree’n Chiarn, as e eadolys eisht lossey noi’n dooinney shen, as nee ooilley ny mollaghtyn, ta scruit ’sy lioar shoh, lhie er, as nee’n Chiarn e ennym y gholley ass veih fo niau.

Deuteronomy 7:24

As nee eh ny reeaghyn oc y livrey gys dty laue, as nee uss dolley nyn enmyn fo niau: cha jarg dooinney jeu shassoo royd, derrey t’ou er stroie ad.