Dobberan 3:59 - Yn Vible Casherick 1775 1819

⁵⁹ T’ou uss, O Hiarn, er vakin my aggair, jean uss my chooish y vriwnys.

Dobberan 3:59 ပူးပေါင်းရင်းမြစ်များ

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh:

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 9:4

Son t’ou er vendeil my chairys as my chooish: t’ou dty hoie er stoyl-reeoil dy vriwnys cairagh.

Genesis 31:42

Er-be dy row Jee m’ayr, Jee Abraham, as aggle Isaac er ve mârym, son shickyrys v’ou nish er my choyrt ersooyl follym: ta Jee er vakin my heaghyn as laboraght my laueyn, as er chur oghsan dhyt riyr.

Psalmyn 35:23

Dooisht, as shass seose dy vriwnys my phlaiynt: jean cairys ayns my chooish, my Yee, as my Hiarn.

Jeremiah 15:10

Smerg dooys, my voir, dy dug oo mee son y theihll my ghooinney ry-hoi streeu as argane rish ooilley’n seihll! cha vel mee er chur magh er use, chamoo ta mee er ghoaill er use; ny-yeih ta dy chooilley unnane jeu gwee mollaght orrym.

Genesis 30:6

As dooyrt Rachel, Ta Jee er ghoaill seose my chooish, as myrgeddin er chur clashtyn dou, as er choyrt dou mac: shen-y-fa denmys ee eh Dan.

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Dobberan 3:36

Dy chassey dooinney ayns e chooish cha vel y Chiarn lowal jeh.

Dobberan 3:60

T’ou er vakin ooilley yn eulys oc, as ooilley ny croutyn oc m’oï.