Dobberan 3:58 - Yn Vible Casherick 1775 1819

⁵⁸ O Hiarn, t’ou er ghoaill seose my chooishyn anmey, t’ou er livrey my vioys.

Dobberan 3:58 ပူးပေါင်းရင်းမြစ်များ

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

Lioar Yob 35:14

Ga t’ou gra nagh jean oo eshyn y akin, ny-yeih ta briwnys kiongoyrt rish; shen-y-fa cur uss dty varrant ersyn.

Psalmyn 103:4

Ta sauail dty vioys veih toyrt-mow: as dy dty choamrey lesh myghin as kenjallys-ghraihagh;

Psalmyn 34:22

Ta’n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.

Psalmyn 9:5

T’ou er choyrt oghsan da ny ashoonyn, as er stroie ny mee-chrauee: t’ou er choyrt ass yn ennym oc son dy bragh as dy bragh.

Isaiah 51:22

Shoh myr ta dty Hiarn, yn Chiarn, as dty Yee ta pleadeil cooish e phobble, dy ghra, Cur-my-ner, ta mee er n’ghoaill ass dty laue yn cappan atchimagh, eer drundin cappan my eulys; cha n’iu oo jeh arragh:

Jeremiah 11:20

Agh, O Hiarn ny sheshaghtyn flaunyssagh, ta cur briwnys cairagh, ta prowal ny meeghyn as y cree, lhig dou fakin dty cherraghey orroo; son hood’s ta mee er hoilshaghey my chooish.

Jeremiah 31:11

Son ta’n Chiarn er livrey Jacob, as er n’eaysley eh veih’n laue echeysyn va ny s’troshey na eh.

Jeremiah 38:13

Myr shen hayrn ad seose Jeremiah lesh ny coyrdyn, as ghow ad eh ass y dungeon: as duirree Jeremiah ayns cooyrt y phryssoon.

Jeremiah 50:34

Ta’n Saualtagh oc niartal; Chiarn ny flaunyssee yn ennym echey: nee eh dy fondagh pleadeil yn chooish oc, son fea y choyrt da’n cheer, agh anvea da cummaltee Vabylon.

Jeremiah 51:36

Shen-y-fa myr shoh ta’n Chiarn dy ghra, Cur-my-ner, goym’s seose dty chooish, as trog-yms cooilleen er dty hon; as chyrmee-ym seose yn awin eck, as dooin-ym e farraneyn;

1 Samuel 25:39

As tra cheayll David dy row Nabal marroo, dooyrt eh, Bannit dy row’n Chiarn ta er n’ghoaill seose cooish my scammylt veih laue Nabal, as er lhiettal e harvaant veih olk: son ta’n Chiarn er hyndaa olkys Nabal er e chione hene. As hug David fys, lesh cheb gys Abigail, dy ghoaill ee son ben.