Dobberan 3:56 - Yn Vible Casherick 1775 1819

⁵⁶ T’ou er chlashtyn my choraa, ny dooin dty chleaysh noi my osnaghyn, ny my accan.

Dobberan 3:56 ပူးပေါင်းရင်းမြစ်များ

2 Recortyssyn 33:13

As ghow eh padjer huggey, as hooar eh e aghin, as deaisht eh rish e accan, as hug eh lesh eh reesht gys Jerusalem gys e reeriaght hene. Eisht hoig Manasseh dy nee’n Chiarn va yn Jee.

2 Recortyssyn 33:19

E phadjer myrgeddin, as kys va myghin ec Jee er, as ooilley e pheccah, as e loght, as ny ard-ynnydyn hrog eh, as ny keylljyn, as ny jallooyn grainnit v’echey roish e arrys: cur-my-ner t’ad scruit mastey raaghyn ny ashleyderyn.

Lioar Yob 34:28

Myr shen dy vel ad cur er accan y voght dy heet huggey, as t’eh clashtyn eam yn seaghnit.

Psalmyn 3:4

Deïe mee er y Chiarn lesh my choraa: as cheayll eh mee ass e chronk casherick.

Psalmyn 34:6

Cur-my-ner, ta’n boght geamagh, as ta’n Chiarn clashtyn eh: dy jarroo, as t’eh sauail eh ass ooilley e heaghyn.

Psalmyn 5:2

O eaisht rish coraa my eam, my Ree, as my Yee: son hood’s nee’m my phadjer.

Psalmyn 5:3

My choraa clynnee uss dy leah, O Hiarn: dy moghey neem’s my phadjer y hebbal hood’s, as jeeaghyn seose.

Psalmyn 55:1

Clasht rish my phadjer, O Yee: as ny follee oo hene veih my accan.

Psalmyn 55:18

Fastyr, as moghrey, as ec y vun-laa nee’m padjer y ghoaill, as shen dy jeean: as clynnee eh my choraa.

Psalmyn 55:2

Gow tastey jee’m, as eaisht rhym: kys ta mee gaccan ayns my phadjer, as ta mee seaghnit.

Isaiah 38:5

Immee, as abbyr rish Hezekiah, Myr shoh ta’n Chiarn, Jee Ghavid dty ayr, gra, Ta mee er chlashtyn dty phadjer, ta mee er vakin dty yeïr: cur-my-ner, ver-ym gys dty eash queig bleeaney jeig.

Daniel 9:17

Nish er-y-fa shen, O uss yn Jee ain, eaisht rish padjer dty harvaant, as e aghinyn, as er dty ghraih’s, O Hiarn, lhig da dty eddin soilshean er dty hiamble casherick, ta lhie ny hraartys.

Romanee 8:26

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.