Dobberan 3:42 - Yn Vible Casherick 1775 1819

⁴² Ta shin er ve foiljagh as er n’irree-magh, cha vel uss er phardooney.

Dobberan 3:42 ပူးပေါင်းရင်းမြစ်များ

2 Reeaghyn 24:4

As myrgeddin son yn uill neu-chyndagh gheayrt eh, (son lhieen eh Jerusalem lesh fuill gyn-loght,) nagh jinnagh y Chiarn pardooney.

Ezra 9:6

As dooyrt mee, O my Yee, ta mee goaill nearey, as jiargaghey dy hroggal seose my eddin hood’s my Yee: son ta nyn beccaghyn er vishaghey harrish nyn ghing, as nyn loght er roshtyn gys ny niaughyn.

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Psalmyn 107:11

Er-yn-oyr dy row ad mee-viallagh gys goan y Chiarn: as ren ad beg y hoiaghey jeh coyrle yn Er-syrjey;

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 24:13

Ayns dty vroïd ta rouanys; er-yn-oyr dy vel mee er dty ghlenney, as cha beagh oo er dty ghlenney; cha bee oo er dty ghlenney veih dty vroïd arragh, derrey ver-ym er my eulys dy hannaghtyn ort.

Daniel 9:15

As nish, O Hiarn nyn Yee, hug lhiat magh dty phobble veih cheer Egypt, lesh laue niartal, as t’er chosney dhyt hene ennym ooasle, myr er y laa t’ayn jiu: ta shin kyndagh, ta shin er n’yannoo dy peccoil.

Zechariah 1:5

Ny ayraghyn euish, cre’n erree t’orroo? as ny phadeyryn, vel ad bio son dy bragh?

Zechariah 1:6

Agh my ghoan, as my lattyssyn, hug mee er currym my harvaantyn ny phadeyryn, nagh ren ad berraghtyn er nyn ayraghyn? as hyndaa ad, as dooyrt ad, ’Naght myr va Chiarn ny flaunyssee kiarit dy yannoo rooin, rere nyn raaidyn, as rere nyn yannoo, eer myr shen t’eh er ghellal rooin.