Dobberan 3:40 - Yn Vible Casherick 1775 1819

⁴⁰ Lhig dooin ronsagh as prowal nyn raaidyn, as chyndaa reesht gys y Chiarn.

Dobberan 3:40 ပူးပေါင်းရင်းမြစ်များ

2 Recortyssyn 30:6

Myr shen hie ny chaghteryn lesh ny screeunyn veih’n ree as e phrinceyn trooid ooilley Israel as Judah, as cordail rish sarey’n ree, gra, Shiuish chloan Israel, chyndaa-jee reesht gys y Chiarn, Jee Abraham, Isaac, as Israel, as nee eshyn chyndaa hiuish ta er-mayrn, as er scapail veih laue reeaghyn Assyria.

2 Recortyssyn 30:9

Son my hyndaa-ys shiu reesht gys y Chiarn, yiow nyn mraaraghyn as nyn gloan chymmey vouesyn ghow ad nyn gappee, myr shen dy jig ad reesht gys y cheer shoh: son ta’n Chiarn nyn Yee graysoil as myghinagh, as cha jean eshyn e eddin y hyndaa ersooyl veue, my hyndaa-ys shiuish reesht huggeysyn.

Psalmyn 119:59

Deïe mee er my raaidyn hene gys cooinaghtyn: as hyndaa mee my chassyn gys dty recortyssyn.

Psalmyn 4:4

Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Ezekiel 18:28

Er-yn-oyr dy vel eh smooinaghtyn er hene, as chyndaa veih ooilley e ghrogh-yannoo, t’eh er ny ve cur-rish, bee eh son shickyrys bio, cha vow eh baase.

Hosea 12:6

Shen-y-fa chyndaa uss gys dty Yee: freill myghin as briwnys, as farkee dy kinjagh er dty Yee.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

1 Corinthianee 11:28

Agh lhig da dooinney eh-hene y eysht; as myr shen lhig da gee jeh’n arran shen, as giu jeh’n chappan shen.

1 Corinthianee 11:31

Son dy jinnagh shin shin-hene y vriwnys, cha beagh shin er nyn mriwnys.

2 Corinthianee 13:5

Feysht-jee shiu hene, vel shiu ayns y chredjue; prow-jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee-lowit?

Deuteronomy 4:30

As tra t’ou ayns seaghyn, as tra hig ooilley ny reddyn shoh ort, ayns ny laghyn jerrinagh, my nee oo chyndaa gys y Chiarn dty Yee, as ve biallagh da e choraa: