Dobberan 3:39 - Yn Vible Casherick 1775 1819

³⁹ Cre’n-fa ta dooinney bio plaiynt, dooinney son kerraghey e pheccaghyn?

Dobberan 3:39 ပူးပေါင်းရင်းမြစ်များ

2 Reeaghyn 3:13

As dooyrt Elisha rish ree Israel, Cre t’ayd dy yannoo rhym’s? fow royd gys phadeyryn dt’ayrey, as gys phadeyryn dty vayrey. As dooyrt ree Israel rish, Ny abbyr shen; son ta’n Chiarn er hayrn ny three reeaghyn shoh cooidjagh dy livrey ad gys laue Voab.

2 Reeaghyn 6:32

Agh va Elisha soie ayns e hie, (as y chanstyr nyn soie mârish:) as hug y ree dooinney voish hene, agh roish my rosh y chaghter huggey, dooyrt eh rish y chanstyr, Vaik-jee kys ta mac y dunver shoh er choyrt dy ghoaill y chione jee’m? jeeagh-jee, tra hig y chaghter, jeigh-jee yn dorrys, as cum-jee eh dy shickyr ec y dorrys; nagh vel sheean cassyn e vainshtyr ec e voynyn?

2 Reeaghyn 6:33

As choud as v’eh foast taggloo roo, cur-my-ner haink y chaghter neose huggey: as dooyrt y ree, Cur-my-ner, ta’n olk shoh veih’n Chiarn; cre’n-fa yinnin farkiagh son cooney veih’n Chiarn ny-sodjey?

Ezra 9:13

As lurg ooilley ny t’er jeet orrin son nyn ghrogh-yannoo, as son nyn beccah trome, fakin dy vel uss y Jee ain er cherraghey shin ny sloo na ta nyn beccaghyn dy hoilchin, as er choyrt dooin lheid y livrey shoh:

Lioar Yob 11:6

As dy jinnagh eh soilshaghey dhyt folliaghtyn dty cheeayll hene, dy vel ad dooble gys ny t’er ny akin! Toig, er-y-fa shen, dy vel Jee er chur ort foddey sloo na ta dty pheccaghyn dy hoilchin.

Lioar Yob 15:13

Dy vel oo chyndaa dty yymmoose noi Jee, as lhiggey lheid ny goan cheet ass dty veeal?

Psalmyn 107:17

Ta deiney ommijagh er nyn gerraghey son nyn ghrogh-yannoo: as kyndagh rish nyn olkys.

Raaghyn Creeney 19:3

Ta ommijys dooinney dy chassey e raad: as ta e chree tallagh noi yn Chiarn.

Isaiah 51:20

Ta dty vec er n’gholl neeal, t’ad nyn lhie ayns king ooilley ny straïdyn myr tarroo feïe ayns ribbey: t’ad lane dy eulys y Chiarn, jeh oghsan dty Yee.

Jeremiah 10:19

Smerg dooys kyndagh rish yn assee t’aym! ta my lhott angaishagh: agh dooyrt mee, Dy firrinagh ta shoh my cherraghey trome, as shegin dou eh y ymmyrkey.

Jeremiah 30:15

Kys dy vel oo gaccan harrish dty heaghyn? cha vel saase cour dty hrimshey kyndagh rish ymmodee dty vee-chairys: son dy vel dty pheccaghyn er n’ghoaill niart ta mee er n’yannoo myr shoh rhyt.

Dobberan 3:22

She trooid myghinyn y Chiarn te, nagh vel shin stroit, as nagh vel e hymmey failleil.

Leviticus 26:41

As dy vel mish neesht er choyrt cooyl roosyn, as er chur lhiam ad gys cheer nyn noidyn; my vees eisht nyn greeaghyn mee-viallagh er nyn injillaghey, as ad dy ghoaill rish kerraghey nyn beccaghyn:

Leviticus 26:43

Yn thalloo neesht ta treigit lioroo, yiow eh e ghooneeyn (e aash,) choud as te ny lhie feayn nyn vegooish: as nee ad goaill-rish kerraghey nyn beccaghyn; eer er-yn-oyr, dy dug yn annym oc feoh da my lattyssyn.

Micah 7:9

Nee’m gymmyrkey jymmoose y Chiarn, er-yn-oyr dy vel mee er n’yannoo peccah n’oï, derrey nee eh loayrt ass my lieh, as briwnys y chooilleeney er my hon: ver eh lesh mee magh gys y toilshey, as ver-ym my-ner e chairys.

Earrooyn 11:11

As dooyrt Moses rish y Chiarn, Cre’n-fa t’ou er chur seaghyn er dty harvaant? as cre’n-fa nagh vel mee er gheddyn foayr ayns dty hilley, dy vel oo cur errey ooilley’n pobble shoh orrym’s?

Earrooyn 16:41

Agh laa-ny-vairagh, ren ooilley sheshaght cloan Israel plaiynt noi Moses, as noi Aaron, gra, Ta shiu er stroie pobble y Chiarn.

Earrooyn 17:12

As loayr cloan Israel rish Moses, gra, Cur-my-ner, ta shin stroit, ta shin cherraghtyn, ta shin ooilley cherraghtyn.

Ashlish 16:9

As va deiney losht lesh y chiass mooar, as loayr ad dy mollaghtagh noi ennym Yee, echey ta pooar harrish ny briwnyssyn trome shoh: as cha ghow ad arrys, dy chur gloyr da.