Dobberan 3:38 - Yn Vible Casherick 1775 1819

³⁸ Nagh vel mie as sie cheet magh ass beeal yn er-syrjey?

Dobberan 3:38 ပူးပေါင်းရင်းမြစ်များ

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.

Raaghyn Creeney 29:26

Ta ymmodee shirrey foayr y fer-reill; agh ta briwnys dy chooilley ghooinney cheet veih’n Chiarn.

Ecclesiastes 7:14

Ayns y laa dy vaynrys gow boggey; agh ayns y laa dy heaghyn smooinee ort hene; ta Jee myrgeddin er hoiaghey yn derrey yeh noi’n jeh elley, nagh beagh oyr plaiynt ec dooinney erbee.

Isaiah 45:7

Ta mee kiaddey yn soilshey, as croo yn dorraghys; ta mee jannoo shee as reill yn olk. Mish yn Chiarn ta bun ooilley ny reddyn shoh.

Jeremiah 32:42

Son shoh myr ta’n Chiarn dy ghra, ’Naght myr ta mee er choyrt ooilley’n kerraghey trome shoh er y pobble shoh, ver-ym daue myrgeddin ooilley’n mie yiall mee daue.

Amos 3:6

Bee trumpet er ny heidey ayns yn ard-valley, as gyn y pobble ve agglit? bee seaghyn ayn, as nagh nee yn Chiarn t’er n’yannoo eh?