Dobberan 3:37 - Yn Vible Casherick 1775 1819

³⁷ Quoi eshyn ta gra, as te cheet gy-kione, tra nagh vel y Chiarn er harey eh?

Dobberan 3:37 ပူးပေါင်းရင်းမြစ်များ

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

1 Reeaghyn 22:34

As ren dooinney dy row tayrn bow er ventyr, as woaill eh ree Israel eddyr juntyn yn eilley-caggee: shen-y-fa dooyrt eh rish immanagh yn ainagh, Chyndaa dty laue, as cur lhiat mee magh ass y chaggey; son ta mee guint.

2 Reeaghyn 6:33

As choud as v’eh foast taggloo roo, cur-my-ner haink y chaghter neose huggey: as dooyrt y ree, Cur-my-ner, ta’n olk shoh veih’n Chiarn; cre’n-fa yinnin farkiagh son cooney veih’n Chiarn ny-sodjey?

Lioar Yob 10:13

As ny reddyn shoh t’ou er cheiltyn ayns dty chree: ta fys aym dy row shoh ayns dt’aigney.

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Exodus 10:10

As dooyrt eshyn roo, Myr shen dy row’n Chiarn mêriu, my lhig-yms y raad diuish as da’n vooinjer veggey eu: jeeagh-jee reue, son ta olk rhymbiu.

Raaghyn Creeney 16:9

Ta cree dooinney kiarail ro-laue: agh shee yn Chiarn ta reill e chesmadyn.

Raaghyn Creeney 19:21

Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 46:10

Soilshaghey yn jerrey veih’n toshiaght, as veih ny shenn earishyn ny reddyn nagh vel foast er daghyrt, gra, Nee my choyrle shassoo, as cooilleen-ym ooilley my aigney:

Jeremiah 23:32

Cur-my-ner, ta mish noi adsyn ta branlaadee dreamallyn foalsey, ta’n Chiarn dy ghra, as ta dy insh ad, as cur my phobble er-shaghryn lesh nyn mreagyn, as nyn molteyrys; ga nagh dug mee ad er chaghteraght, chamoo hug mee currym erbee orroo: shen-y-fa cha bee ad jeh foaynoo erbee da’n pobble shoh, ta’n Chiarn dy ghra.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Romanee 9:15

Son t’eh gra rish Moses, Bee’m myghinagh dasyn saillym myghin y hoilshaghey, as bee chymmey aym ersyn da saillym ve chymmoil.

Ephesianee 1:11

Ayn myrgeddin ta shin er gheddyn eiraght, myr va shin pointit ro-laue cordail rish y chiarail echeysyn ta gobbraghey dy chooilley nhee lurg coyrle e aigney hene: