Dobberan 3:36 - Yn Vible Casherick 1775 1819

³⁶ Dy chassey dooinney ayns e chooish cha vel y Chiarn lowal jeh.

Dobberan 3:36 ပူးပေါင်းရင်းမြစ်များ

2 Samuel 11:27

As tra va laghyn y dobberan ec kione, hug David fys, as hug eh lesh ee gys e hie hene, as haink ee dy ve e ven, as rug ee mac da. Agh va’n Chiarn jymmoosagh son shen ny va David er n’yannoo.

Psalmyn 94:5

T’ad bwoalley sheese dty phobble, O Hiarn: as jannoo tranlaase er dt’eiraght.

Raaghyn Creeney 24:12

My jirrys oo, Cur-my-ner, cha row toiggal ain jeh: nagh vel eshyn ta ronsagh y chree, goaill baght jeed? as eh ta coadey dt’annym, nagh vel eh fakin shoh? as nagh jean eh cooilleeney dy chooilley ghooinney cordail rish e obbraghyn?

Isaiah 59:15

Dy jarroo, ta’n ynrickys failleil; as t’eshyn ta shaghney yn olk coontit dy ve ass y raad: as honnick y Chiarn shoh, as v’eh jymmoosagh nagh row briwnys ayn.

Jeremiah 22:3

Myr shoh ta’n Chiarn dy ghra, Shirveish-jee briwnys cairagh as jeeragh, as livrey-jee eshyn ta tranlaasit veih laue yn tranlaasagh: as ny jean-jee aggair, ny tranlaase erbee er y joarree, yn lhiannoo gyn ayr, ny’n ven-treoghe, chamoo jean-jee fuill gyn-loght y gheayrtey ’syn ynnyd shoh.

Dobberan 3:59

T’ou uss, O Hiarn, er vakin my aggair, jean uss my chooish y vriwnys.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Deuteronomy 25:1

My vees streeu eddyr deiney, as dy der ad lhieu yn chooish fenish ny briwnyn, eisht nee ad seyrey’n dooinney cairagh, as deyrey’n vee-chairagh.